கணவர் விராத் கோலியை அலேக்காக தூக்கிய அனுஷ்கா ஷர்மா.. ஐபிஎல் கோப்பையை அவர் தூக்குவாரா?

அனுஷ்கா ஷர்மா

நடிகர் ஷாருக்கானின் ரப்னே பனாதி ஜோடி படத்தின் மூலம் ஹீரோயினாக அறிமுகமானவர் அனுஷ்கா ஷர்மா. பாட்டியாலா ஹவுஸ், ஜப் டக் ஹை ஜான், பிகே, என்எச் 10, சுல்தான், சஞ்சு என ஏகப்பட்ட சூப்பர் டூப்பர் ஹிட் படங்களில் நடித்துள்ளார். பாதாள் லோக், புல் புல் என ஒடிடியில் வெளியான படைப்புகளையும் தயாரித்துள்ளார்.

கணவர் கோலி

இந்திய கிரிக்கெட் அணி மற்றும் ஐபிஎல்லில் ராயல் சேலஞ்சர்ஸ் பெங்களூரு அணியின் கேப்டனாக பல ஆண்டுகளாக கலக்கி வரும் கிரிக்கெட் வீரர் விராத் கோலியை கடந்த 2017ம் ஆண்டு திருமணம் செய்து கொண்டார் அனுஷ்கா சர்மா. சமீபத்தில் இருவருக்கும் அழகிய மகள் பிறந்தது குறிப்பிடத்தக்கது.

மீண்டும் ஃபிட்

அனுஷ்கா ஷர்மா மற்றும் விராத் கோலி தம்பதியினருக்கு பிறந்த பெண் குழந்தைக்கு வாமிகா என பெயரிட்டுள்ளனர். இந்த ஆண்டு ஜனவரி மாதம் 11ம் தேதி குழந்தை பிறந்த நிலையில், மூன்றே மாதங்களில் மீண்டும் பழையபடி ஃபிட்டாகி உள்ளார் அனுஷ்கா ஷர்மா. அதற்கு எடுத்துக்காட்டாகவே தற்போது அவர் வெளியிட்டுள்ள வீடியோ அமைந்துள்ளது.

கோலியை தூக்கிய அனுஷ்கா

நடிகை அனுஷ்கா ஷர்மா தனது இன்ஸ்டாகிராம் பக்கத்தில் தற்போது வெளியிட்டுள்ள வீடியோ வேற லெவலில் டிரெண்டாகி வருகிறது. கணவர் விராத் கோலியை பின்னால் இருந்து செம பேலன்ஸ் போட்டு அசால்ட்டாக தூக்கி அசத்தி உள்ளார் அனுஷ்கா ஷர்மா. ஏகப்பட்ட பிரபலங்களும், ரசிகர்களும் பாராட்டி வருகின்றனர்.

நீங்க எதுவும் பண்ணாதீங்க

விராத் கோலியை தூக்கியதை அறிந்த அனுஷ்கா ஷர்மா நிஜமாவே தான் தான் தூக்கினேனா என்கிற சந்தேகம் கொண்டார். பின்னர், கணவர் கோலியை பார்த்து நீங்க எதுவும் ஹெல்ப் பண்ணீங்களா என்று கேட்க, இல்லவே இல்லை என கோலி அந்த வீடியோவில் மறுக்க, மீண்டும் கோலியை தனது பலம் கொண்டே அனுஷ்கா தூக்கி அசத்தி உள்ளார்.

ஐபிஎல் கோப்பையை தூக்குவாரா

சமீபத்தில் இந்தியா வந்த இங்கிலாந்து அணியை கோலி தலைமையின் கீழ் செயல்பட்ட இந்திய அணி டி20, டெஸ்ட் மற்றும் ஒருநாள் போட்டிகள் என அனைத்து ஃபார்ம்களிலும் தோற்கடித்து ஓடவிட்டது. ஆனால், ஐபிஎல் தொடங்கிய காலத்தில் இருந்தே ராயல் சேலஞ்சர்ஸ் பெங்களூரு அணியின் கேப்டனாக இருந்து வரும் விராத் கோலியால் இதுவரை ஒரு முறை கூட ஐபிஎல் கோப்பையை வெல்ல முடியவில்லை.

பதிலடி கொடுப்பாரா

அனுஷ்கா உங்களை தூக்கிட்டாங்க, நீங்க ஐபிஎல் கோப்பையை தூக்குவீங்களா என ரசிகர்கள் கேள்விகளை எழுப்பி கலாய்த்து வருகின்றனர். ஹேட்டர்களுக்கு இந்த முறை விராத் கோலி தனது ஸ்டைலில் பதில் சொல்வாரா என்பதை பொறுத்திருந்து பார்ப்போம்.