ஏ.ஆர்.ரஹ்மான் இசைக்கு சலாம் போட்ட ஐஸ்வர்யா ரஜினிகாந்த்..லால் சலாம் பட வேலைகள் தொடங்கின!

ஜெயிலர்

சூப்பர் ஸ்டார் ரஜினிகாந்த், இயக்குனர் நெல்சன் திலீப் குமார் இயக்கத்தில், தற்போது ஜெயிலர் படத்தில் நடித்து வருகிறார். இந்த படத்தின் படப்பிடிப்பு மிகவும் பரபரப்பாக எடுக்கப்பட்டு வரும் நிலையில், ரஜினிகாந்த் அடுத்து எந்த இயக்குனர் படங்களில் நடிப்பார் என்ற அதிகாரப்பூர்வ தகவலை எதிர்பார்த்து ரசிகர்கள் காத்திருக்கிறார்கள்.

170வது படம்

ரஜினிகாந்த் தன்னுடைய 170 ஆவது படத்தை, டான் பட இயக்குனர் சிபி சக்கரவர்த்தி இயக்கத்தில் நடிக்க உள்ளதாக கூறப்படுகிறது. இந்த படத்தில் இளம் நடிகை கல்யாணி பிரியதர்ஷன் முக்கிய கதாபாத்திரத்திலும், வடிவேலு நீண்ட இடைவெளிக்கு பின்னர் சூப்பர் ஸ்டாருடன் காமெடி வேடத்திலும் நடிக்க உள்ளதாக தகவல் வெளியாகி உள்ளது.

லால் சலாம் டைட்டில்

தற்போது ரஜினிகாந்தின், மகள் ஐஸ்வர்யா இயக்கத்தில் உருவாக உள்ள படத்தில் நடிக்க உள்ளனார். இதுகுறித்த அதிகாரப்பூர்வ அறிவிப்பை லைகா நிறுவனம் சமீபத்தில் வெளியிட்டது. இப்படத்தை லைகா புரொடக்ஷன்ஸ் சார்பில் சுபாஸ்கரன் தயாரிப்பில் நடிகர் விஷ்ணு விஷால் மற்றும் நடிகர் விக்ராந்த் முக்கிய கதாபாத்திரத்தில் நடிக்க உள்ளனர்.இப்படத்திற்கு 'லால் சலாம்' என தலைப்பு வைக்கப்பட்டுள்ளது.

ஏஆர் ஹ்மான் இசையில்

இந்நிலையில் லால் சலாம் படத்துக்கான இசை பணிகளை ஏஆர் ஹ்மான் தொடங்கியுள்ளார். அதுதொடர்பான வீடியோவை ஏ.ஆர். ரஹ்மான் தனது ட்விட்டர் பக்கத்தில் பகிர்ந்திருக்கிறார். அந்த வீடியோவில் ரஹ்மானின் இசையை கேட்ட ஐஸ்வர்யா அவருக்கு சலாம் செய்கிறார். இந்த வீடியோ இணையத்தில் டிராண்டாகி வருகிறது. லால் சலாம் திரைப்படம் வரும் 2023ல் வெளியாகும் என எதிர்பார்க்கப்படுகிறது.

விஷ்ணு விஷால்

விஷ்ணு விஷால்

கிரிக்கெட் விளையாட்டை மையமாக வைத்து இத்திரைப்படத்தில் நடிகர் விஷ்ணு விஷால் மற்றும் விக்ராந்த் முக்கிய கதாபாத்திரத்தில் நடிக்கின்றனர். நடிகர் ரஜினிகாந்த் சிறப்பு தோற்றத்தில் நடிக்கிறார். இந்தப் படத்திற்கான பூஜை கடந்த 5ஆம் தேதி போடப்பட்டதை அடுத்து, படத்தின் அடுத்தடுத்து வேலைகளில் ஐஸ்வர்யா ஈடுபட்டு வருகிறார்.