நயன்தாராவின் ஈடுபாட்டைக் கண்டு அசந்துபோனேன்..! - 'அறம்' ஒளிப்பதிவாளர் ஓம் பிரகாஷ்

ஒளிப்பதிவு தொழில்நுட்பங்கள்

"எனது சினிமா வாழ்க்கையில் சிறந்த படங்களில் ஒன்று 'அறம்'. இப்படத்தின் கதையை முதல்முறையாகக் கேட்ட போதே, அழிந்து வரும் நமது பூமியின் அவல நிலையைச் சித்தரிக்க 'க்ரே' கலரை பயன்படுத்தி, அதற்கான லைட்டிங்கை கொடுத்து, சில ஒளிப்பதிவு தொழில்நுட்பங்களைப் பயன்படுத்த வேண்டும் என முடிவு செய்தேன்.

நயன்தாராவின் சேலை கலர்

'க்ரே' கலருக்கு ஏற்ற வகையில் நயன்தாராவின் ஆடையும் வடிவமைக்கப்பட்டது. வறண்ட பூமி, கடும் வெயில் போன்ற அம்சங்களால் படப்பிடிப்பு சிரமமாக இருந்தது. ஆழ்குழாய் காட்சிகளில் பயத்தைக் கொண்டு வருவது அவசியம். அதற்காக சில பிரத்யேக லென்ஸை பயன்படுத்தினேன்.

நயன்தாராவுடன் பணிபுரிவது

நயன்தாராவுடன் நான் இணைந்து பணிபுரிவது இது மூன்றாவது படம். 'ஆரம்பம்', 'காஷ்மோரா' படங்களுக்கு பிறகு இப்படத்தில் நயன்தாராவுடன் பணியாற்றியுள்ளேன் . அவர் போன்ற அர்ப்பணிப்புள்ள நடிகையோடு பணிபுரிவது என்றுமே ஒரு அற்புதமான அனுபவம். அவரது ஈடுபாட்டைக் கண்டு அசந்துள்ளேன்.'

பெருமையைக் கொடுத்துள்ளது

'அறம்' கதையின் மேல் இயக்குனர் கோபி நயினார் வைத்திருந்த நம்பிக்கையும் அவரது எழுதும் தான் இப்படத்தை இவ்வளவு சிறந்த படமாக்கியுள்ளது. வார்த்தைகளால் சொல்லமுடியாத திருப்தியையும் பெருமையையும் 'அறம்' படம் எனக்கு கொடுத்துள்ளது". என நெகிழ்ச்சியாகப் பேசியிருக்கிறார் ஓம் பிரகாஷ்.