எங்கடா அந்த அன்பு? ரியோவிடமே எகிறும் அர்ச்சனா.. இந்த வாரத்துல இன்னும் என்னலாம் நடக்கப் போகுதோ?

அன்பு செத்துப்போச்சு

பிக் பாஸ் வீட்டில் அன்பு என்கிற அஸ்திரத்தை வைத்துக் கொண்டு இதுவரை அர்ச்சனா சேஃப் கேம் ஆடி வந்தார். கடந்த வார இறுதியில் ஜித்தன் ரமேஷையும், நிஷாவையும் வெளியே அனுப்பி விட்டு, அன்பு ஜெயிக்கும், ஆனால், அன்பை அஸ்திரமாக்கி விளையாடுபவர்கள் ஜெயிக்க மாட்டார்கள் என்பதை நிரூபித்த நிலையில், இப்போ அந்த அன்பு எங்க போச்சுன்னே தெரியல.

நரியும் கோழியும்

ஓநாயும், ஆட்டுக்குட்டியும் கதை கேள்விப் பட்டிருக்கிறோம் இது என்னடா புதுசா நரியும் கோழியும் என்பது போல இந்த வார பிக் பாஸ் லக்சரி டாஸ்க் அமைந்துள்ளது. தங்க முட்டை வாத்து மட்டுமல்ல கோழியும் போடும் என்றும், நரியோட வாலை பிடித்தாலே நரி காலி என்பது போல செம வித்தியாசமாக ஸ்க்ரிப்ட் யோசிச்சு இருக்காங்க.. எப்படி இருந்தாலும் சண்டை மூட்டி விடத்தான் டாஸ்க் அது கச்சிதமாக நிறைவேறும்.

அதிரடி காட்டிய ஆரி

எதிர்பார்த்தபடியே அர்ச்சனாவுக்கும் ஆரிக்கும் இடையே இரண்டாவது புரமோவில் சண்டை நடக்கிறது. சிங்கம் சூர்யா போல ஆவூன்னா நெஞ்சை நிமிர்த்திக் கொண்டு வந்து பார்க்குறியா.. பார்க்குறியா.. ஓங்கி அடிச்சா ஒன்றரை டன் வெயிட்டுடா என்பது போல அட்ராசிட்டி பண்றாரு ஆரி. ஆனால், அவரது அதிரடி அர்ச்சனாவிடம் பலிக்குமா? இல்லையா? என்பதை ஷோவில் பார்ப்போம்.

ரியோவிடம் எகிறும் அர்ச்சனா

முதலிலே சொன்னது போல, அன்பு எங்கே தொலைந்து போனது என்று தெரியவில்லை. ரியோவிடம் கொஞ்சம் கொஞ்சமாக கடுப்பு காட்டி வந்த அர்ச்சனா, இப்போ நீங்க சொல்றதை எல்லாம் கேட்க முடியாது என சீறுகிறார். இதுவரை அர்ச்சனாவின் நிழலில் இருந்து வந்த ரியோவுக்கு இது தேவை தான். அனிதாவிடம் எகிறுவது போல அர்ச்சனாவிடம் ரியோ கூடிய விரைவில் எகிறுவாரா என்பதை பார்ப்போம்.

என்ன பேசிக்கிறாங்க

அர்ச்சனாவுக்கு ஆஜீத் நாமினேஷனுக்கு விளக்கம் சொன்னது போல, கடைசியா ரியோவும் பாலாவும் என்ன பேசிக்கிறாங்கன்னே புரியல. சமாதானமா பேசுவது போலவும், பாலாவிடம் விளக்கம் கேட்பது போலவும் ரியோ பேசுகிறார். பாலாவும் குரலை தாழ்த்தி அவருக்கு விளக்கம் கொடுத்துவிட்டு, நானும் அதைத் தானே சொல்கிறேன் என்றார். ஆனால், கடைசியில் ரியோ கொடுக்கும் பஞ்ச் பிரச்சனையாக இருக்கிறது. இன்றைய எபிசோடில் ரசிகர்களுக்கு செம சரவெடி காத்துக் கொண்டிருப்பது நிச்சயம்.

அனிதா என்ன சொல்லிருப்பாங்க

புரோமோவில் பேசும் வசனங்களே புரியாத படி எடிட்டர் இன்னைக்கு கண்டபடி கட் பண்ணியுள்ளார். ஆனால், இதில் அனிதா அர்ச்சனாவிடம் சொல்வதை மட்டும் மியூட் போட்ட நிலையில், ஒட்டுமொத்த ரசிகர்களும், அனிதா ஏதோ பிளான் பண்ணி அர்ச்சனாவை ரியோவிடம் இருந்து பிரிக்கப் பார்க்கிறார் என பேச ஆரம்பித்து விட்டனர். இருக்கு இன்னைக்கு என்டர்டெயின்மென்ட் இருக்கு!