காதலில் விழுந்த சாக்லேட் பாய் சித்தார்த்.. அதிதி ராவுடன் டேட்டிங்?

மகா சமுத்திரம்

அஜய் பூபதி இயக்கத்தில் சைதன் பரத்வாஜ் இசையில் தமிழ், தெலுங்கு இருமொழியில் உருவானத் திரைப்படம் மகா சமுத்திரம். இப்படத்தில் சித்தார்த்தும் அதிதி ராவ் ஹைதாரியும் இணைந்து நடித்திருந்தனர். படத்தின் படப்பிடிப்பு தளத்தில் இருவரும் காதலித்து வந்ததாக செய்திகள் பரபரப்பாக பேசப்பட்டது. அதிதி மற்றும் சித்தார்த் இருவரும் தங்கள் உறவைப் பற்றி இதுவரை வெளிப்படையாக எதையும் தெரிவிக்கவில்லை.

ஒரே காரில்

ஆனால், சமீபத்தில் நடந்த ஏஆர் ரஹ்மான் மகளின் வரவேற்பு நிகழ்ச்சியில் இருவரும் ஒன்றாக கலந்து கொண்டதாக கூறப்படுகிறது. மேலும், மும்பையில் ஒரு சலூனில் இருந்து இருவரும் ஒன்றாக வெளியே வந்துள்ளனர். அப்போது அதிதி ராவ் ஊடகங்களுக்கு சிரித்தபடி போஸ்கொடுத்துள்ளார். ஆனால், அதே சலூனிலிருந்து வெளியேறிய வந்த சித்தார், விலகி சென்று புகைப்படம் எடுக்க வேண்டாம் என்ற பட கையை அசைத்துள்ளார். அவர்கள் இருவரும் சலூனிலிருந்து தனித்தனியாக வெளியே வந்தாலும், ஒரே காரில் ஒன்றாகச் சென்றனர்.

காதலில் விழுந்த சித்தார்த்

அதிதியும் சித்தார்த்தும் பல இடங்களில் ஒன்றாக ஊர் சுற்றி வருவதாகவும், அடிக்கடி பார்ட்டி மற்றும் விழா நிகழ்ச்சிகளுக்கும் ஜோடியாக செல்வதாகவும் கூறப்படுகிறது. மேலும், சொல்லப்போனால் மகா சமுத்திரம் படத்தின் ப்ரோமோஷன் நிகழ்ச்சிகளின் போது இருவரும் வெளியூர்களுக்கு ஒரே காரில் தான் ஒன்றாக பயணம் செய்ததாக கூறப்படுகிறது.

நீ நீயாகவே இரு

சித்தார்த்தின் 43 வது பிறந்தநாளில், அதிதி ராவ் ஹைதாரி இதயப்பூர்வமான பிறந்த நாள் வாழ்த்து கூறியுள்ளார். அதில், "பிறந்தநாள் வாழ்த்துக்கள் என் பிக்சி பாய்... எப்போதும் மந்திர சிரிப்புடனே இருங்கள்...எப்போதும் நீ நீயாகவே இரு... முடிவில்லாத சிரிப்பு மற்றும் சாகசங்களுக்கு நன்றி. நீங்கள் எவ்வளவு நேசிக்கப்படுகிறீர்கள் என்பது உங்களுக்கு நன்றாகத் தெரியும் என்று கூறியுள்ளார். இவை எல்லாத்தையும் வைத்து இணையவாசிகள் அவர்கள் காதலிப்பதாக செய்திவெளியிட்டு வருகிறார்கள்.