அர்ஜுனின் பிறந்தநாளுக்கு ட்ரீட் கொடுத்த ‘தீயவர் குலைகள் நடுங்க’ டீம்: செகண்ட் லுக் போஸ்டர் வெளியீடு

அறுபதை தொட்ட ஆக்சன் கிங்

தமிழ் சினிமாவில் அதிகமான போலீஸ் திரைப்படங்களில் நடித்த ஹீரோக்களில் அர்ஜுனும் மிக முக்கியமானவர். 'ஜெய்ஹிந்த்', 'கர்ணா', 'ஜென்டில்மேன்', 'முதல்வன்' போன்ற பல சூப்பர் ஹிட் படங்களில் ஹீரோவாக நடித்துள்ள அர்ஜுன், தற்போது இளம் நாயகர்களுடன் சேர்ந்து பல படங்களில் நடித்து வருகிறார். இன்று அவர் சுதந்திர தினத்துடன், தனது 60வது பிறந்தநாளையும் கொண்டாடி வருகிறார்.

.இரண்டாவது ரவுண்டில் பிஸி

ஹீரோவாக பல படங்களில் நடித்துள்ள அர்ஜுன், 'மங்காத்தா' படத்தில் அஜித்துடன் ஒரு சூப்பர் கேரக்டரில் நடித்திருந்தார். அதன் பின்னர் இளம் ஹீரோக்களுடன் தொடர்ச்சியாக நடித்து வருகிறார். விஷாலுடன் 'இரும்புத்திரை', விஜய் ஆண்டனியுடன் 'கொலைகாரன்', சிவகார்த்திகேயனுடன் 'ஹீரோ' ஆகிய படங்களில், முக்கியமான படங்களில் நடித்துள்ளார்.

தீயவர் குலைகள் நடுங்க

இந்நிலையில், 'தீயவர் குலைகள் நடுங்க' என்ற படத்தில் ஐஸ்வர்யா ராஜேஷுடன் இணைந்து நடித்து வருகிறார் அர்ஜுன். இப்படத்தை தினேஷ் லட்சுமணன் என்பவர் இயக்குகிறார். இதுவே இவருக்கு முதல் படம் என்பது குறிப்பிடத்தக்கது. இத்திரைப்படம் க்ரைம் திரில்லர் ஜானரில், பரபரக்கும் ஆக்சன் காட்சிகளுடன் உருவாகி வருவதாக சொல்லப்படுகிறது.

செகண்ட் லுக் போஸ்டர்

'தீயவர் குலைகள் நடுங்க' படத்தின் முதல் தோற்றம் ஏற்கனவே வெளியாகியிருந்தது. அர்ஜுன், ஐஸ்வர்யா ராஜேஷ் இருவரும் மிரட்டலான லுக்கில் இருந்தனர். இந்நிலையில், அர்ஜுனின் பிறந்தநாளை முன்னிட்டு, அவருக்கு வாழ்த்து கூறும் விதமாக செகண்ட் லுக் போஸ்டரை படக்குழு வெளியிட்டுள்ளது. கழுகுப் பார்வையில் அர்ஜுன் யாரையோ தேடுவதைப் போல உருவாகியுள்ள இந்த போஸ்டரை, நடிகர் விஷாலும், இயக்குநர் வெங்கட் பிரபுவும் அவர்களது ட்விட்டரில் வெளியிட்டுள்ளனர். இந்த போஸ்டர் ரசிகர்களிடம் நல்ல வரவேற்பை பெற்றுள்ளது.