எனது பெயரில் பெண்களை ஏமாற்றுகிறார்கள்.. அருண்விஜய் எச்சரிக்கை!

மீண்டும் இணைந்து

தடம், மாபியா என தொடர்ந்து ஆக்சன் திரைப்படங்களில் நடித்து பட்டையை கிளப்பி வரும் நடிகர் அருண் விஜய் திரை வாழ்க்கைக்கு மிகப்பெரிய திருப்புமுனையாக அமைந்த குற்றம் 23 திரைப்படத்தை இயக்கிய அறிவழகன் இயக்கத்தில் இப்பொழுது மீண்டும் இணைந்து நடித்து வர அதில் ரெஜினா கெஸன்ட்ரா ஜோடியாக நடிக்கிறார்.

சூர்யா தயாரிக்கும்

கதைகளை தேர்ந்தெடுத்து நடிப்பதில் மிகவும் கவனம் செலுத்தி வரும் அருண் விஜய்யின் சமீபத்திய திரைப்படங்கள் அனைத்தும் தொடர்ந்து வெற்றி பெற்றுக் கொண்டே வர இப்பொழுது இவரது மகன் சூர்யா தயாரிக்கும் புதிய திரைப்படத்தில் அறிமுகம் ஆகிறார்.

பெண்களிடம் சீட்டிங்

எதிர்பார்ப்பை ஏற்படுத்தும் திரைப்படங்களில் அடுத்தடுத்து நடித்து வரும் அருண் விஜய்க்கு நீண்ட நாட்களாக வெளியாகாமல் கிடப்பில் போடப்பட்டிருந்த வா டீல் திரைப்படம் இப்பொழுது ஓடிடியில் வெளியாக உள்ளது. தமிழ் சினிமாவில் தொடர் தோல்விகளுக்கு பின்பு இப்பொழுது வளர்ந்து வரும் நடிகராக மிரட்டி வரும் அருண் விஜய் பெயரில் இப்பொழுது பெண்களிடம் சீட்டிங் நடந்துள்ளது வெளிச்சத்திற்கு வந்துள்ளது.

கடுமையான நடவடிக்கை

சினிமாவில் வாய்ப்புக்காக தேடிக் கொண்டிருக்கும் இளம் நடிகைகளை குறிவைத்து சிலர் தவறான தகவலில் பிரபல நடிகர்களின் திரைப்படங்களில் நடிக்க கதாநாயகி தேவை என போஸ்டர்களை வெளியிட்டு சீட்டிங் செய்து வருவது வழக்கமான ஒன்றாக இருக்கும் நிலையில் இப்பொழுது அருண் விஜய் நடிக்கும் புதிய படத்திற்கு கதாநாயகி தேவை என போஸ்டர்கள் சமூகவலைத்தளத்தில் வலம் வர அதைப்பார்த்து அதிர்ந்துபோன அருண் விஜய் ட்விட்டர் உள்ளிட்ட சமூகவலைதள பக்கங்களில் இந்த ஆடிசன் போஸ்ட் இருக்கும் எனக்கும் எந்த சம்பந்தமும் இல்லை இது போன்ற பொய்யான நபர்களிடமிருந்து பெண்கள் கவனமாக இருக்க வேண்டும். என் பெயரை பயன்படுத்தி இதுபோன்ற தவறான செயல்களில் ஈடுபடுபவர்கள் மீது கடுமையான நடவடிக்கை எடுக்கப்படும் என எச்சரித்துள்ளார்.