இவருக்கு கன்னி ராசியா இருக்குமோ..3 ஹீரோயின்கள்..அசோக் செல்வனின் நித்தம் ஒரு வானம் ரிலீஸ் தேதி!

ஓ மை கடவுளே

இவர் நடிப்பில் ஓ மை கடவுளே திரைப்படத்தில் நடித்தார் இந்த திரைப்படம் இவருக்கு நல்ல பெயரை பெற்றுத்தந்தது. இந்த படத்தில் ஜாலியான நண்பன், கோபப்படும் கணவன்,தனக்கு பிடித்த பெண்ணை உருகி உருகி காதலிக்கும் காதலன் என பலவிதமான ரோலில் நடித்திருந்தார். இந்த படத்தில் வாணி போஜன், ரித்திகா சிங் என இரண்டு ஹீரோயின்கள்.

மன்மத லீலை

அதே போல இயக்குனர் வெங்கட் பிரபு இயக்கத்தில், மன்மத லீலை என்ற அடல்ட் காமெடி திரைப்படத்தில் நடித்தார். இப்படத்தில், அசோக் செல்வனுக்கு ஸ்மிருதி வெங்கட், சம்யுக்தா ஹெக்டே, ரியா சுமன் என 3 கதாநாயகிகளுடன் நடித்திருந்தார் அசோக் செல்வன். படத்தில் கசமுசா, லிப் லாங் காட்சி என மனுஷன் வாழ்த்தி இருந்தார்.

நித்தம் ஒரு வானம்

இந்நிலையில் அசோக்செல்வன் நித்தம் ஒரு வானம் படத்தில் நடித்துள்ளார். இந்தபடத்திலும் கண்ணும் கண்ணும் கொள்ளையடித்தால் நடிகை ரித்து வர்மா, சூரரைப்போற்று புகழ் அபர்ணா பாலமுரளி, சிவ ஆத்மிகா ஆகிய மூன்று கதாநாயகிகள் அசோக் செல்வனுடன் நடித்துள்ளனர். 3 பேருக்குமே சமமான முக்கியத்துவம் கொடுத்து கதை உருவாக்கப்பட்டுள்ளது.

ரிலீஸ் தேதி

இப்படத்தை இயக்குநர் கார்த்திக் இயக்கி உள்ளார், கடந்த செப்டம்பர் 23ந் தேதி இப்படத்தின் டீசர் வெளியாகி ரசிகர்களிடம் நல்ல வரவேற்பை பெற்றது. ஆயுதபூஜையை முன்னிட்டு நித்தம் ஒரு வானம் படத்தின் ரிலீஸ் தேதியை படக்குழு அறிவித்துள்ளது. அதன்படி இப்படம் நவம்பர் 4 ஆம் தேதி தியேட்டர்களில் வெளியாகும் என தெரிவிக்கப்பட்டுள்ளது.

கன்னி ராசியா இருக்குமோ

படம் தொடர்பான போஸ்டரை படக்குழுவினர் தங்களது சமூக வலைத்தளப் பக்கங்களில் பதிவிட்டுள்ளனர்.இந்த படத்தில் 3 கதாநாயகிகள் இருப்பதை பார்த்த ரசிகர்கள் ஓ மை கடவுளே படத்தில் இரண்டு ஹீரோயின், மதன்மதலீலையில் 3 ஹீரோயின்,இந்த படத்திலும் 3 ஹீரோயின் மனுஷனுக்கு கன்னி ராசியா இருக்குமோ என கிண்டலாக கேட்டு வருகின்றனர்.