அசுரன் படத்திற்கு பனோரமா விருது.. மகிழ்ச்சியில் ரசிகர்கள் !

தொடர்ந்து பந்தயம் அடிக்கும் வெற்றிமாறன்

வெற்றிமாறன் இந்திய சினிமாவின் தவிர்க்க முடியாத மிக சிறந்த இயக்குனர். பொல்லாதவன் திரைப்படத்தில் தொடங்கி நேற்று வெளியான பாவ கதைகள் வரை வெற்றிமாறன் தொட்டதெல்லாம் வெற்றி பெற்றுள்ளது. ஆடுகளம் திரைப்படத்திற்கு சிறந்த இயக்குனருக்கான தேசிய விருதை பெற்றார் வெற்றிமாறன். பின்னர் இன்று வரையில் பல விருதுகளை தொடர்ந்து அசால்டாக பெற்று வருகிறார்.

அசுரனின் வெறியாட்டம்

Behindwoods Gold Medal, Zee Cine Awards, Ananda Vikatan Cinema Awards, Norway Tamil Film Festival Awards, JFW Movie Awards என உயரிய விருதுகள் அசுரன் படத்திற்கும், படகுழுவினருக்கும் வழங்கப்பட்டுள்ளது. சிறந்த இயக்குனருக்கான விருதும், சிறந்த நடிகருக்கான விருதும் இந்த விருதுகளுக்குள் அடக்கம். இதனை தொடர்ந்து தற்போது பனோரமா விருதுக்கு அசுரன் தேர்வாகியுள்ளது.

ஓயாத கொண்டாட்டம்

நேற்று முன்தினம் தனுஷ் ஹாலிவுட் திரைப்படத்தில் நடிக்கவுள்ளதாக அதிகாரப்பூர்வ அறிவிப்புகள் வெளியாகின. அந்த அறிவிப்பின் கொண்டாட்டம் தனுஷ் ரசிகர்களிடத்தில் ஓயாத நிலையில் இன்று பனோரமா விருதுக்கு அசுரன் தேர்வாகி இருப்பது இன்னும் கொண்டாட்டத்தை சூடு படுத்தி உள்ளது. தனுஷ் ரசிகர்கள், திரையுலக பிரபலங்கள் தொடர்ந்து தனுஷுக்கு வாழ்த்து கூறிய வண்ணம் உள்ளனர்.

தகுதி பெற்ற 2 தமிழ் படங்கள்

கோவாவில் நடக்க உள்ள 2020-ம் ஆண்டிற்கான மத்திய அரசின் சர்வதேச பனோரமா திரைப்பட விருதுக்கு இரண்டு தமிழ் திரைப்படங்கள் தேர்வாகியுள்ளது. வெற்றிமாறன் இயக்கத்தில் அசுரன் திரைப்படமும், கணேஷ் விநாயகனின் தேன் திரைப்படமும் விழாவில் திரையிட தகுதி பெற்றுள்ளது. இந்த செய்தி தமிழ் சினிமா ரசிகர்களை மகிழ்ச்சியில் ஆழ்த்தியுள்ளது.