மிரட்டலாக ஆன்லைனில் வெளியானது அவதார் 2 டிரைலர்....கொண்டாடும் ரசிகர்கள்

Avatar : The Way Of Water

அதற்கு பிறகு கிட்டதட்ட 12 ஆண்டுகள் கழித்து அவதார் 2 படத்தை இயக்கி உள்ளார் ஜேம்ஸ் கேமரூன். கொரோனா உள்ளிட்ட பல காரணங்களால் வெளியிடப்படாமல் இருந்த படத்திற்கு Avatar : The Way Of Water என டைட்டில் வைக்கப்பட்டுள்ளது. இந்த படத்தின் ரிலீஸ் தேதியும் அதிகாரப்பூர்வமாக அறிவிக்கப்பட்டுள்ளது.

16 பிரிண்ட்களில் ரிலீஸ்

அவதார் 2 படம் டிசம்பர் 16 ம் தேதி உலகம் முழுவதும் தியேட்டர்களில் ரிலீஸ் செய்யப்பட உள்ளது. சுமார் 14,000 தியேட்டர்களில் 160 மொழிகளில் அவதார் 2 படத்தை திரையிட ஏற்பாடு செய்யப்பட்டுள்ளது. அதுவும் 3டி உள்ளிட்ட 16 விதமான பிரிண்ட்களில் இந்த படம் ரிலீஸ் செய்யப்பட உள்ளது. சாம், ஜியோ உள்ளிட்டோர் நடித்துள்ள இந்த படத்திற்கு சிம்சன் ஃபிராங்கிளின் இசையமைத்துள்ளார்.

போஸ்டருடன் டிரைலர் ரிலீஸ்

அவதார் 2 படத்தின் டிரைலர் மே 6 ம் தேதி Doctor Stranger in the Multiverse of Madness படத்துடன் சேர்த்து தியேட்டர்களில் ரிலீஸ் செய்யப்பட்டது. இது ரசிகர்களிடம் நல்ல வரவேற்பை பெற்றது. இந்நிலையில் இன்று அவதார் 2 படத்தின் டிரைலர் ஆன்லைனில் அதிகாரப்பூர்வமாக வெளியிடப்பட்டது. அதோடு அவதார் படத்தின் போஸ்டரும் வெளியிடப்பட்டுள்ளது. இதனை ரசிகர்கள் கொண்டாடி வருகின்றனர்.

மிரட்டி இருக்கிறார் கேமரூன்

Avatar : The Way Of Water படத்தின் 60 சதவீதம் காட்சிகள் தண்ணீருக்கு அடியிலேயே எடுக்கப்பட்டுள்ளதாக கூறப்படுகிறது. பண்டாரா கடல் பகுதியில் நீருக்கு அடியிலான உலகத்தை தனக்கே உரிய பிரம்மாண்டமாக, மிக அழகாக காட்டி உள்ளார் ஜேம்ஸ் கேமரூன். பண்டா கடல் பகுதி, சல்லியர்கள் குடும்பம் உள்ளிட்டவைகளை பற்றியது தான் அவதார் 2 என்பதை டிரைலரிலேயே காட்டி உள்ளனர்.