ஷிவின் கேம் ரொம்ப பிடிச்சிருக்கு.. பாராட்டிய அசீம்.. ஆனால், அவருக்கு என்ன கிடைச்சது தெரியுமா?

ஷிவின் தான் டாப்

பிக் பாஸ் வீட்டுப் போட்டியாளர்கள் மத்தியில் ஃபைனல்ஸ் வரை சென்று டைட்டிலை தட்டிச் செல்வார் ஷிவின் என பலரும் ஷிவினுக்கு க்ரீன் கொடுத்து பாராட்டித் தள்ளினர். ஷிவின் கேம் சிறப்பாக இருப்பதாக அசீம் ஆரம்பித்து வைக்க ஏகப்பட்ட போட்டியாளர்கள் அதை வழிமொழிந்தனர். மக்கள் மத்தியிலும் தனக்கு நிச்சயம் நல்ல இடம் கிடைத்து இருக்கும் என ஷிவின் ரொம்பவே சந்தோஷப்பட்டார்.

விக்ரமனுக்கு அடுத்த இடம்

ஷிவினை தொடர்ந்து அதிக க்ரீன் விக்ரமனுக்கு சக போட்டியாளர்கள் கொடுத்தனர். ஷிவினே விக்ரமனைத் தான் ரசிகர்கள் மத்தியில் அதிக செல்வாக்குடன் இருப்பார் என தேர்வு செய்தார். வீட்டில் இருப்பதை போலவே வெளியேவும் விக்ரமன் சமூக கருத்தோடு செயல்படுவார் என பாராட்டுக்கள் குவிந்தன.

டாப் 3ல் ஏடிகே

அமுதவாணன், ஜனனி, தனலட்சுமிக்கு எல்லாம் கிடைக்காமல் அதிகளவு பச்சை கிட்டத்தட்ட விக்ரமனுக்கு சமமாகவே ஏடிகேவுக்கு ஹவுஸ்மேட்கள் கொடுத்தனர். ஏடிகேவின் மிமிக்ரி திறமை, அவர் பாடும் விதம் என சண்டையை தாண்டி என்டர்டெயின்மென்ட் செய்வதில் ஆர்வம் செலுத்தி வருகிறார் ஏடிகே என ஹவுஸ்மேட்கள் அவருக்கு க்ரீன் கொடுத்தனர்.

அசீமுக்கு ரெட்

பிக் பாஸ் வீட்டில் அராஜகம் செய்து வரும் அசீமுக்கு மக்கள் ரெட் தான் கொடுப்பார்கள் என ஏகப்பட்ட ஹவுஸ்மேட்ஸ் அசீமுக்கு ரெட் கொடுத்து கடைசி இடத்துக்கு அசீமை தள்ளினர். ரச்சிதா, அமுதவாணன், குயின்ஸி உள்ளிட்ட போட்டியாளர்களுக்கும் ரெட் கிடைத்தது குறிப்பிடத்தக்கது.

அசீமுக்கு கிடைத்தது என்ன

கமல் அமைதி காக்க சொன்ன நிலையில், சைலன்ட்டாக இருந்த ஆடியன்ஸ், அதிகம் ரெட் கிடைத்த நிலையில், வெளியே மக்கள் எல்லாம் அப்படி இழிவா நினைக்க மாட்டாங்க.. எனக்கு ஃபேன்ஸ் இருப்பாங்க என பேசியதுமே ஒட்டுமொத்த அரங்கமே கத்தி கூச்சல் போட்டு கமல்ஹாசனையே காண்டாக்கி விட்டனர். நீங்க பேசும் போது கைதட்ட கூட நான் சொல்லியிருப்பேன் என கமல் சொல்லும் அளவுக்கு அசீமுக்கு பிக் பாஸ் நிகழ்ச்சியை நேரில் பார்க்கும் ஆடியன்ஸின் ஆதரவு அதிகரித்துள்ளது.