தீயாக பரவிய பாகுபலி 2 போஸ்டர்: காரணம் அனுஷ்கா மீதான சந்தேகம்?

போஸ்டர்

பாகுபலி 2 போஸ்டரில் பிரபாஸும், அனுஷ்காவும் வில், அம்புடன் அசத்தலாக போஸ் கொடுத்துள்ளனர். போஸ்டரை பார்த்தவர்களுக்கு அதை மீண்டும் மீண்டும் பார்க்கும் ஆவல் ஏற்பட்டுள்ளது.

வைரல்

பாகுபலி 2 போஸ்டர் வெளியாகிய சிறிது நேரத்தில் சமூக வலைதளங்களில் தீயாக பரவியது. இந்நிலையில் ரசிகர்களுக்கு அனுஷ்கா பற்றி ஒரு சந்தேகம் எழுந்துள்ளது.

அனுஷ்கா

இஞ்சி இடுப்பழகி படத்திற்காக எடையை கூட்டிய அனுஷ்கா இன்னும் ஒல்லியாக முடியாமல் தவிக்கிறார். அவரின் எடை பிரச்சனை காரணமாக பாகுபலி படப்பிடிப்பு கூட பாதிக்கப்பட்டது.

எடை

அனுஷ்காவை உடல் எடையை குறைக்குமாறு ராஜமவுலி கறாராக கூறினார். அவர் எடையை குறைத்தபோதிலும் தற்போதும் பூசினாற் போன்று உள்ளார். பாகுபலி படத்தில் இருந்தது போன்று ஒல்லியாக இல்லை.

போட்டோஷாப்பா?

போஸ்டரில் அனுஷ்கா சற்று ஒல்லியாகவே உள்ளார். இந்த போஸ்டருக்கு அனுஷ்கா மூன்று ஆண்டுகளுக்கு முன்பே போஸ் கொடுத்திருந்தால் அது ஓகே. இல்லை என்றால் நிச்சயம் போட்டோஷாப் செய்துள்ளனர் என்று கூறப்படுகிறது.