இப்படி அசிங்கப்படுத்திட்டீங்க.. உங்க விருதே வேண்டாம்.. அந்த காரணத்தால் கடுப்பான பாலாஜி முருகதாஸ்!

டிஆர்பி கிங்

ஆரிக்கும் பாலாவுக்கும் இடையே கடும் சண்டைகள் பிக் பாஸ் சீசன் 4 முழுக்க இருந்து வந்தது. அதுமட்டுமின்றி, சனம் ஷெட்ட், அர்ச்சனா, அனிதா சம்பத், ரியோ, கேபி ஏன் ஷிவானி உடன் கூட சண்டைப் போட்டு நிகழ்ச்சியின் டிஆர்பியை உச்சத்திற்கு கொண்டு சென்றவர் பாலாஜி முருகதாஸ்.

அட்ஜெஸ்ட்மென்ட் சர்ச்சை

சக போட்டியாளரான சனம் ஷெட்டிக்கும் பாலாஜி முருகதாஸுக்கும் கடும் மோதல்கள் நிகழ்ச்சியில் நடந்தன. மேலும், ஒரு எபிசோடில் சனம் ஷெட்டி அட்ஜெஸ்ட்மென்ட் செய்தது தான் அழகிப் பட்டம் வென்றார் என பாலா குறிப்பிட்டதாக எழுந்த சர்ச்சை கடைசி வரை பாலாவுக்கு ரெட் கார்டு கொடுக்கப்படுமா என்கிற சந்தேகத்தை கிளப்பியுள்ளது. ஆனால், ஆரிக்கு அடுத்து அதிக ஓட்டுக்களை பெற்று இரண்டாம் இடத்தை பிடித்தார் பாலா.

பெண்களின் ஃபேவரைட்

பிக் பாஸ் நிகழ்ச்சியில் ஷிவானி நாராயணனுடன் ரவுண்டு கட்டி ரொமான்ஸ் செய்த பாலாஜி முருகதாஸ் பெண்களின் ஃபேவரைட்டான போட்டியாளராக மாறினார். மேலும், பிக் பாஸ் வீட்டிற்குள்ளே பாலாவுக்காக சுச்சி, ஷிவானி இடையே கடும் போட்டிகளும் நிலவின. பாலாவுக்கு ஹேட்டர்ஸ் எந்த அளவுக்கு இருந்தார்களோ அதை விட அதிகமாக பெண்களின் ஓட்டுக்கள் வந்து விழுந்தன.

பிஹைண்ட்வுட்ஸ் விருது

பிரபல தனியார் யூடியூப் சேனலான பிஹைண்ட்வுட்ஸ் கோல்ட் மெடல் நிகழ்ச்சியில் பாலாஜி முருகதாஸுக்கு Biggest Sensation on Reality Television விருது கடந்த சில மாதங்களுக்கு முன்னதாக வழங்கப்பட்டது. சமீபத்தில் அந்த நிகழ்ச்சி ஒளிபரப்பு செய்யப்பட்ட நிலையில், பாலாஜி பேசிய 2 நிமிட வீடியோ 'கட்' செய்யப்பட்டு இருப்பது சர்ச்சையை கிளப்பி உள்ளது.

விருதை திருப்பித் தருகிறேன்

அந்த நிகழ்ச்சி வீடியோவை பார்த்த பாலாஜி முருகதாஸ் மிகவும் அப்செட் ஆகி உள்ளார். ஏன் நான் பேசிய அந்த 2 நிமிட வீடியோவை கட் செய்தீர்கள் என்றும், அப்புறம் எதுக்கு உங்க விருது என விருதை திருப்பித் தருகிறேன் என தனது ட்விட்டர் பக்கத்தில் ட்வீட் போட்டு பரபரப்பை கிளப்பி உள்ளார் பாலாஜி முருகதாஸ்.

Recommended Video

Shivani-க்கு Cake ஊட்டிய Bala |Shivani Birthday Celebration With Bala | Bigg Boss | Filmibeat Tamil

சரியான பதிலடி

விருது மேடையில் பிஹைண்ட்வுட்ஸ் விமர்சகர் ஒருவரை பாலா விமர்சித்து பேசியதால் தான் அந்த 2 நிமிட வீடியோ 'கட்' செய்யப்பட்டதாக தகவல்கள் வெளியாகி உள்ளன. மேலும், பாலாஜி முருகதாஸை அவமானப்படுத்தும் விதமாக இப்படி செய்ததற்கு அவர் சரியான பதிலடி கொடுத்துள்ளார் என்றும் விருதை திருப்பித் தருவது சரியான முடிவு என்றும் பிக் பாஸ் ரசிகர்கள் ஆதரவு தெரிவித்துள்ளனர்.