Veera Simha Reddy Twitter Review: பாலகிருஷ்ணாவின் வீர சிம்ஹா ரெட்டி எப்படி இருக்கு?

மாஸ் ராம்பேஜ்

பாலகிருஷ்ணா படங்கள் என்றாலே மாஸ் காட்சிகளுக்கு குறைவு இருக்காது. நம்ப முடியாத ஏராளமான மாஸ் காட்சிகளை இந்த படத்திலும் வைத்துள்ளனர். தமனின் தரமான பிஜிஎம் ரசிகர்களை அந்த காட்சிகளில் கூஸ்பம்ப்ஸ் அடைய செய்துள்ளன. ஸ்ருதிஹாசன் சூப்பரா இருக்காரு என்றும் வரலக்‌ஷ்மி சரத்குமார் உள்ளிட்ட அனைத்து நடிகர்களும் பக்காவாக நடித்துள்ளனர் என இந்த ரசிகர் பாராட்டி உள்ளார்.

டார்ச்சர்

மோசமான ஸ்க்ரீன் பிளேவில் உருவாகி உள்ள வழக்கமான அரைத்த மாவு பாலய்யா படத்தின் கதை தான் இந்த வீர சிம்ஹா ரெட்டி படமும் என இந்த ரசிகர் செகண்ட் ஹாஃப் எல்லாம் ரொம்ப டார்ச்சருங்க படம் அவ்ளோ தான் என்றும் பொங்கல் போட்டியில் இருந்து வெளியேறிவிட்டது இந்த படம் என துவைத்து தொங்கப்போட்டுள்ளார்.

2 மார்க்கே ஜாஸ்தி

அமெரிக்காவில் படத்தை பார்த்து விட்டேன் இந்த படத்துக்கு வெறும் 2 ரேட்டிங் தான் என இந்த ரசிகர் முதல் நாள் முதல் காட்சி பார்த்து விட்டே பயங்கர கடுப்பில் இப்படியொரு கமெண்ட்டை போட்டுள்ளார். வெளிநாடு தியேட்டர் ஒன்றில் பாலய்யா ரசிகர்கள் பண்ண சம்பவத்தால் படத்தின் காட்சியை தியேட்டர் ஊழியர்கள் நிறுத்தி விட்ட கிளாஸ் வீடியோ டிரெண்டாகி வருவது குறிப்பிடத்தக்கது.

ஓவர் ஆக்‌ஷன்

பாலய்யா காரை காலால் எட்டி உதைக்கும் காட்சிகளை பார்த்த ரசிகர்கள் என்னடா இது ஓவர் ஆக்‌ஷனா இருக்கே என ட்ரோல் செய்து வருகின்றனர். சில மீடியாக்கள் இந்த படத்துக்கு 2க்கும் குறைவாக 1 ரேட்டிங் எல்லாம் கொடுத்து மரண சம்பவம் செய்துள்ளனர். அகண்டா அளவுக்கு இந்த படம் இல்லை என கமெண்ட்டுகள் குவிகின்றன.