சென்னை : கடந்த ஆண்டு ரஜினிகாந்த், கமல்ஹாசன் ஆகிய உச்ச நட்சத்திரங்களின் படங்கள் எதுவும் வெளியாகவில்லை. விஜய் நடிப்பில் இரண்டு படங்களும், அஜித் நடிப்பில் ஒரு படமும் வெளியானது.
தனுஷ், சிம்பு, விஜய் சேதுபதி, சிவகார்த்திகேயன் உள்ளிட்ட முன்னணி நடிகர்களின் படங்கள் வெளிவந்தன.
வளர்ந்து வரும் நடிகர்களை கௌரவிக்கும் விதமாக நமது தளத்தின் சிறந்த நடிகர்களுக்கான போட்டியில் விஜய், அஜித் ஆகியோர் சேர்த்துக் கொள்ளப்படவில்லை.
கருத்துக்கணிப்பு
கடந்த ஆண்டு வெளிவந்த படங்களில் சிறப்பான நடிப்பை வெளிப்படுத்திய தனுஷ், விஜய் சேதுபதி, விதார்த், கார்த்தி, மாதவன் ஆகியோர் கருத்துக்கணிப்பில் சேர்த்துக்கொள்ளப்பட்டனர். ஆயிரக்கணக்கான ரசிகர்கள் தங்களைக் கவர்ந்த நடிகர்களுக்கு வாக்களித்து ஆதரவு அளித்தனர். வாசகர்களின் வாக்குகளின்படி கடந்த ஆண்டின் சிறந்த நடிகராக விஜய் சேதுபதி தேர்வாகிறார்.
சிறந்த நடிகர் 2017
76.21% வாசகர்களின் ஆதரவைப் பெற்று 2017-ம் ஆண்டின் சிறந்த நடிகராக தேர்வாகி இருக்கிறார் விஜய் சேதுபதி. கடந்த ஆண்டில் 'விக்ரம் வேதா', 'புரியாத புதிர்' உட்பட விஜய் சேதுபதி நடித்து ஐந்து படங்கள் ரிலீஸ் ஆகின. 'விக்ரம் வேதா' படத்தில் வேதாவாக மிரட்டிய விஜய் சேதுபதி, தனது யதார்த்தமான, கெத்தான மேனரிச நடிப்பால் ரசிகர்களை பெருமளவில் ஈர்த்து அமோக ஆதரவுடன் முதலிடத்தைப் பிடித்திருக்கிறார்.
செம வரவேற்பு
அக்கவுன்டன்டாக வாழ்க்கையைத் துவக்கிய விஜய் சேதுபதி, கூத்துப்பட்டறையில் இணைந்து, படங்களில் சிறு சிறு வேடங்களில் அறிமுகமாகி, தமிழ் சினிமாவின் தவிர்க்க முடியாத நடிகராக இன்று வளர்ந்து நிற்கிறார். மிகக்குறைந்த காலத்தில் அவரது உழைப்பால் உயர்ந்து தமிழ் ரசிகர்களை ஈர்த்திருக்கிறார். அவரது ஸ்டைலுக்கும், டயலாக் டெலிவரிக்குமே தியேட்டர்களில் தெறிக்கிறது கைதட்டல்!
கார்த்தி
9% வாக்குகளுடன் இரண்டாம் இடத்தில் இருப்பவர் கார்த்தி. 'தீரன் அதிகாரம் ஒன்று' படத்தில் தனது சிறப்பான நடிப்பின் மூகம் ரசிகர்களின் பெரும் ஆதரவைப் பெற்றிருக்கிறார் இவர். கமர்சியல் கலந்த உண்மைச் சம்பவ படமான 'தீரன் அதிகாரம் ஒன்று' படத்தில் ரொமான்ஸ், ஆக்ஷன் என தேவைக்கேற்ப நடித்து கம்ப்ளீட் பேக்கேஜாக உருவாக்கியதில் கார்த்திக்கு பெரும் பங்கு உண்டு. 'காற்று வெளியிடை' கொஞ்சம் சறுக்கல்.
மாதவன்
8.46% சதவீத வாக்குகளுடன் கார்த்தியை விட சொற்ப வாக்குகள் வித்தியாசத்தில் மூன்றாமிடம் பிடித்திருக்கிறார் மாதவன். சாக்லேட் பாயாக அறிமுகமான மாதவன், 'விக்ரம் வேதா'வில் காட்டியது வெறித்தனம். ஸ்ட்ரிக்ட் போலீஸ் ஆபிஸராக என்கவுன்டரில் போடுவது, வரம்பு மீறாத ரொமான்ஸில் கலக்குவது என செம மாஸாக கலக்கிய மாதவனின் இனி வரும் படங்களுக்கு ரசிகர்களின் மத்தியில் பெரும் எதிர்பார்ப்பு எழுவது நிச்சயம்.
தனுஷ்
நடிகர் தனுஷ், கடந்த வருடம் இயக்குநராகவும் அறிமுகமானார். 'ப.பாண்டி', 'வேலையில்லா பட்டதாரி 2' ஆகிய படங்களில் நடித்த தனுஷ் 4.58% வாக்குகளைப் பெற்றிருக்கிறார். இந்த ஆண்டு ஹாலிவுட்டில் அறிமுகமாகும் படத்தையும் எதிர்நோக்கியிருக்கும் தனுஷுக்கு ஏறுமுகம் தான். தயாரிப்பாளர், நடிகர், இயக்குநர், பாடலாசிரியர் என பன்முகம் காட்டும் தனுஷிடம் ரசிகர்களின் எதிர்பார்ப்பு இன்னும் அதிகம்.
விதார்த்
நடிகர் விதார்த் நடித்து கடந்த ஆண்டில் வெளியான 'ஒரு கிடாயின் கருணை மனு, 'குரங்கு பொம்மை', 'விழித்திரு' ஆகிய படங்கள் ரசிகர்கள் மற்றும் விமர்சகர்கள் மத்தியில் நல்ல வரவேற்பைப் பெற்றன. கூத்துப்பட்டறை மூலம் அறிமுகமாகி தேர்ந்த நடிப்பை வெளிப்படுத்திவரும் விதார்த்துக்கு ரசிகர்கள் ஆதரவு இந்தாண்டு இன்னும் பெருகும் என எதிர்பார்க்கலாம்.
கோலிவுட் தகவல்களை சுடச்சுட படிக்க | Subscribe பண்ணுங்க.
Related Articles
மெர்சலாக ஈர்த்த ஸ்ரேயா கோஷல் தான் நம்பர் ஒன்! #BestOfTamilCinema2017 #FilmibeatPolls
இசை வாழும் வரை உயிர்த்திருக்கும் நா.முத்துக்குமார் #BestOfTamilCinema2017 #FilmibeatPolls
சிறந்த இசையமைப்பாளர் 2017 #BestOfTamilCinema2017 #FilmibeatPolls
2017-ன் சிறந்த படம் எது தெரியுமா? #BestOfTamilCinema2017 #FilmibeatPolls
ஶ்ரீ தேனாண்டாள் பிலிம்ஸா? ட்ரீம் வாரியர் பிக்சர்ஸா? வாசகர்களின் தேர்வு இதோ.. #BestOfTamilCinema2017
மனம்கவர்ந்த அறிமுக நாயகி 2017 அவார்டு கோஸ் டு..! #BestOfTamilCinema2017 #FilmibeatPolls
கடந்த ஆண்டின் மனங்கவர்ந்த நாயகி! #BestOfTamilCinema2017 #FilmibeatPolls
குருவை மிஞ்சும் சிஷ்யன்... 'மெர்சல்' எடிட்டர் 2017 #BestOfTamilCinema2017 #FilmibeatPolls
2017-ன் சிறந்த ஒளிப்பதிவாளர் யார்? #BestOfTamilCinema2017 #FilmibeatPolls
2017-ன் சிறந்த அறிமுக இயக்குநர் யார்..? #BestOfTamilCinema2017 #FilmibeatPolls
சிறந்த இயக்குநர் 2017 யார்? மெர்சல் டைரக்டர் எந்த இடம்? #BestOfTamilCinema2017 #FilmibeatPolls
வாசகர்கள் தேர்ந்தெடுத்த சிறந்த காமெடியன் 2017! #BestOfTamilCinema2017 #FilmibeatPolls
7 ஆண்டுகளுக்குப் பிறகு தமிழ் சினிமாவில் நிகழும் அதிசயம்... ரசிகர்களுக்கு செம கொண்டாட்டம்!