'பாரதியார் பாவம்... விட்ருங்கடா..!' - குறும்படங்களுக்கும் சென்சார் கேட்கும் ரசிகர்கள்! #Lakshmi

இணையத்தில் வெளியாகும் படங்கள்

இணைய உலகம் வளர்ந்துவிட்ட இந்தக் காலத்தில் அதன் மூலம் எந்தக் கட்டுப்பாடுகளும் இல்லாமல் பல்வேறு விதமான தகவல்கள் அதைப் பயன்படுத்துவோரைச் சென்றடைகின்றன. ஆபாசப் படங்களுக்கு கட்டுப்பாடுகள் வேண்டும் என பல சமூக ஆர்வலர்கள் தொடர்ந்து குரல் கொடுத்து வருகிறார்கள்.

லக்‌ஷ்மி குறும்படம்

சமீப காலமாக வெப் சீரிஸ் என்பது பரவி வருகிறது. பல முன்னணி பட நிறுவனங்களும் அப்படிப்பட்ட வெப் தொடர்களைத் தயாரித்து யூ-ட்யூபில் வெளியிட்டு வருகின்றன. பல குறும்படங்களையும் தயாரித்து வெளியிட்டு வருகின்றன. இயக்குனர் கௌதம் மேனனின் ஒன்றாக என்டர்டெயின்மென்ட்டில் இப்போது வெளியிடப்பட்டுள்ள லட்சுமி என்ற குறும்படம் தற்போது பலத்த சர்ச்சையை ஏற்படுத்தியுள்ளது.

கணவர் அல்லாத ஒருவர்

திருமணத்திற்குப் பிறகு கணவர் அல்லாத வேறொருவருடன் ஏற்படும் உறவை மையமாக வைத்து எடுக்கப்பட்டுள்ள இந்தப் படத்தில் கணவன், ஒரு பெண்ணுடன் தொடர்பு வைத்திருப்பதாகக் கருதும் அவனது மனைவியும், ஒரு ஆண் நண்பருடன் பழகி, அவருடன் படுக்கையைப் பகிர்ந்து கொள்வது போல படமாக்கப்பட்டுள்ளது.

பாரதியார் கவிதைகள்

இந்தக் குறும்படத்தில் பாரதியாரின் பாடலைப் பயன்படுத்தியிருப்பது தற்போது சமூக வலைதளத்தில் கடும் சர்ச்சையை ஏற்படுத்தியுள்ளது. பாரதியார் எப்போது தவறான காதலை ஆதரித்துள்ளார் என்றும் பலர் கேள்வி எழுப்பியுள்ளார்கள். அதை வைத்துப் பலர் மீம்களும் உருவககி வருகிறார்கள்.

சென்சார் வேண்டும்

கணவன், மனைவியின் அந்தரங்கக் காட்சிகளும் இடம் பெற்றுள்ள இந்தக் குறும்படத்தை பலரும் கடுமையாக விமர்சித்து வருகிறார்கள். இப்படிப்பட்ட குறும்படங்களுக்கு சென்சார் அவசியம் என்றும் பலர் வலியுறுத்துகின்றனர். பலரும் பார்க்கக்கூடிய வகையான தளத்தில் வெளியிடப்படுவதால் குறும்படங்களுக்கும் சென்சார் வேண்டும் என இணையவாசிகள் கூறி வருகின்றனர்.