ஷமிதாப்… டெல்லியை கலக்கிய அமிதாப், தனுஷ், அக்ஷரா

தனுஷ் திறமை

ஷமிதாப் படத்தில் தனுஷ் தன்னுடைய முழு திறமையையும் வெளிப்படுத்தியுள்ளதாகவும் அமிதாப் கூறினார். தனுஷை பாராட்டிய அமிதாப், பாலிவுட் பட உலகில் தனுஷ்க்கு சிறந்த எதிர்காலம் இருப்பதாகவும் குறிப்பிட்டார்.

அடக்கத்துடன் தனுஷ்

தனுஷை பற்றியும் அவருடைய நடிப்பை பற்றியும் கூற என்னிடம் வார்த்தைகளே இல்லை என்று கூறினார். அவருடைய பாராட்டுக்கு பதில் சொல்லும் வகையில் பேசிய தனுஷ், அமிதாப் போன்ற ஒரு லெஜன்ட்டுடன் தன்னுடைய நடிப்பை ஒப்பிடக்கூடாது என்று அடக்கத்துடன் கூறினார்.

திரண்ட கூட்டம்

இந்த திரை நட்சத்திரங்களை காண ஆயிரக்கணக்கான ரசிகர்கள் அப்பகுதியில் திரண்டனர். அறிமுக விழா முடிந்து அரங்கில் இருந்து வெளியேவந்த அமிதாப் பச்சன், தனுஷ், அக்‌ஷரா ஹாசன் ஆகியோரை அருகில் சென்று காணவும், அவர்களுடன் ‘செல்பி' எடுத்துக் கொள்ளவும் ரசிகர்கள் போட்டி போட்டனர்.

தள்ளுமுள்ளு

இதனால் ரசிர்கள் இடையே தள்ளுமுள்ளு ஏற்பட்டது. ரசிகர்களின் அன்புத் தொல்லை கட்டுக்கு அடங்காமல் போகவே அவர்களிடம் இருந்து திரை நட்சத்திரங்களை பத்திரமாக மீட்க போலீசார் படாத பாடுபட்டனர்.

ரேடியோ ஜாக்கி

இதேபோல ஷமிதாப் புரமோசனுக்காக 'காமெடி நைட்ஸ் வித் கபில்' நிகழ்ச்சியிலும் இந்த குழுவினர் பங்கேற்று ஷமிதாப் பற்றி பகிர்ந்து கொண்டனர்.

'பிக் பி' என்று பெருமையோடு பாலிவுட் ரசிகர்களால் அழைக்கப்படும் அமிதாப், ரெட் எப்.எம் ரேடியோவில் ஜாக்கியாக நாளை பேச இருக்கிறார் என்றும் இயக்குநர் தெரிவித்துள்ளார்.