அட லாஸ்லியா ஆர்மில யாரெல்லாம் இருக்காங்க பாருங்க.. கெத்து காட்டும் ரசிகர்கள் !

லாஸ்லியா:

இந்நிலையில் பிரபல காமெடி நடிகர் சதிஷ் லாஸ்லியா ஆர்மி பற்றி தனது டிவிட்டர் பக்கத்தில் வீடியோ ஒன்றை வெளியிட்டுள்ளார். ‘கடினமான போட்டி இளைஞர்களே' என அந்த வீடியோ பற்றி சதீஷ் கருத்து தெரிவித்துள்ளார். மேலும், அதில் அவர், கிராமத்து முதியவர் ஒருவரிடம், ‘உங்கள் கிரஷ் யாரு?' எனக் கேட்கிறார். அதற்கு அந்த தாத்தா லாஸ்லியா எனக் கூறுகிறார்.

நெட்டிசன்கள்:

பாருங்க லாஸ்லியா ஆர்மில யார்லாம் இருக்காங்கனு என ஆச்சர்யத்துடன் இந்த வீடியோவை சதீஷ் வெளியிட்டுள்ளார். ஆனால், இது உண்மையில்லை, சதீஷ் தான் தன் மனதில் உள்ளதை அந்த தாத்தாவை வைத்து சொல்ல வைத்துள்ளார் என நெட்டிசன்கள் கலாய்த்து வருகின்றனர். பாவம் அந்த தாத்தா எனப் பரிதாபப்பட்டுள்ளனர்.

ரசிகர்கள் மகிழ்ச்சி:

எது எப்படியோ லாஸ்லியா பற்றி அந்தத் தாத்தா பேசியிருப்பது லாஸ்லியா ஆர்மியை மகிழ்ச்சி அடைய வைத்துள்ளது. லாஸ்லியாவுக்கு தமிழகத்தில் எல்லா வயதிலும் ரசிகர்கள் உள்ளனர் என கெத்தாக அவர்கள் பதிவிட்டு வருகின்றனர். அதோடு லாஸ்லியாவின் புகைப்படங்களையும் அவர்கள் ஷேர் செய்து உள்ளனர்.

இந்த சீசன் ஓவியா:

முதல் சீசனில் ஓவியா பிரபலமானதைப் போன்று இந்த சீசனில் லாஸ்லியாவுக்கு நல்ல பெயர் கிடைத்து வருகிறது. பிக் பாஸ் வீட்டில் அவர் பேசும் டயலாக்குகளை, டிக் டாக் செய்து ரசிகர்கள் வெளியிட்டு வருகின்றனர். லாஸ்லியா கண்ணீரோடு பேசியதைக் கூட டிக் டாக் செய்து வருகின்றனர் என்பது குறிப்பிடத்தக்கது.