என்ன கொடுமை இது...நயன்தாராவாக மாறிய பிக் பாஸ் பிரபலம்...பாராட்டிய விக்னேஷ் சிவன்

காத்திருக்கும் ரசிகர்கள்

ரசிகர்கள் ஆவலுடன் எதிர்பார்த்திருக்கும் நயன்தாரா - விக்னேஷ் சிவன் திருமண நிகழ்வு முதல் சீசனாக விரைவில் வெளியாகும் என நெட்ஃபிளிக்ஸ் அறிவித்துள்ளது.அது சம்பந்தமான டீசர் சமீபத்தில் வெளியானது.இதற்கிடையில் விக்னேஷ் சிவனும் தன் பங்கிற்கு அவ்வப்போது தங்களின் ரொமான்டிக் போட்டோக்களை சோஷியல் மீடியாவில் பகிர்ந்து வைரலாக்கி, செம டிரெண்டாக்கி வருகிறார்.

டூர் போன நயன் - விக்கி ஜோடி

திருமணத்திற்கு பிறகு தாய்லாந்தில் ஹனிமூன் முடித்து திரும்பியதில் இருந்து கடந்த 2 மாதங்களாக நயன்தாரா, விக்னேஷ் சிவன் இருவரும் வேலைகள் பயங்கர பிஸியாக இருந்தனர். இதனால் ரிலாக்ஸ் செய்வதற்காக நேற்று ஐரோப்பா டூர் கிளம்பி சென்றுள்ளனர். புறப்படும் போதே ரொமான்டிக் போட்டோக்களை வெளியிட்டு அதகளப்படுத்தி உள்ளார் விக்னேஷ் சிவன். இதனால் இனி தினம் தினம் இது போல் போட்டோக்கள் வந்து டிரெண்டாகும் என ரசிகர்கள் எதிர்பார்த்துக் கொண்டுள்ளனர்.

நயன்தாராவாக மாறிய பிக்பாஸ் பிரபலம்

இந்த சமயத்தில் நயன்தாராவின் வெட்டிங் லுக்கை மறு உருவாக்கம் செய்து பிக்பாஸ் ஆர்த்தி போட்டோ வெளியிட்டுள்ளார். திருமணத்தன்று நயன்தாரா அணிந்திருந்தது போன்ற சிவப்பு நிற புடவையில் போஸ் கொடுத்த போட்டோவை சோஷியல் மீடியாவில் பகிர்ந்துள்ளார். அதோடு, தனது போட்டோ மற்றும் நயன்தாராவின் போட்டோவை ஒப்பிட்டு "என்ன கொடுமை இது.. Expectation vs reality" எனக் குறிப்பிட்டிருந்தார்.

விக்னேஷ் சிவனே பாராட்டி இருக்கார்

இதை பார்த்து ரசிகர்கள் ஷாக்காகி ஆர்த்தியை கலாய்த்து கமெண்ட் செய்து வருகின்றனர். ஆனால் 'நீங்கள் ரொம்ப அழகாக இருக்கிறீர்கள் டியர் ஆர்த்தி' என கமெண்ட் செய்துள்ளார் விக்னேஷ் சிவன். விக்னேஷ் சிவனே இவரை பாராட்டி உள்ளாரா என பலரும் ஆச்சரியமும் தெரிவித்து வருகிறார்கள்.

இவரை யாருன்னு தெரியுதா?

1990 களில் குழந்தை நட்சத்திரமாக சினிமாவில் அறிமுகமான ஆர்த்தி, பிறகு காமெடி நடிகையாக சினிமா, டிவி சீரியல்கள், டிவி நிகழ்ச்சிகள் போன்றவற்றில் பங்கேற்று வருகிறார். கிரி, படிக்காதவன், குட்டி போன்ற படங்களில் இவரின் காமெடி பெரிய அளவில் பேசப்பட்டது. இவர் பிக்பாஸ் நிகழ்ச்சியிலும் போட்டியாளராக கலந்து கொண்டுள்ளார்.