அர்ச்சனாவை அழ வைக்க.. மிஸ்டர் லோக்கல் சீனை சுட்ட பிக் பாஸ்.. மகளை நினைத்ததும் கதறிவிட்டார்!

கண்ணீர் தான் கான்செப்ட்

ஏற்கனவே அழுகாச்சி சீரியல்களை எல்லாம் ஓவர் டேக் செய்யும் அளவுக்கு ஏகப்பட்ட கண்ணீர் காட்சிகள் பிக் பாஸ் வீட்டில் கரைபுரண்டு ஓடி வரும் நிலையில், மீண்டும் கன்ஃபெஷன் ரூமில் இந்த வாரம் கண்ணீரை மையமாக வைத்து குடும்ப பாச டிராமாவை நடத்தி வருகிறார் பிக்பாஸ். கன்ஃபெஷன் ரூமுக்கு வருபவர்கள் க்ளிசரின் போட்டுக்கிட்டு வாங்கன்னு சொல்லியிருப்பாரோ பிக் பாஸ் என்கிற சந்தேகம் எழுகிறது.

பிக் பாஸிடம் பேசிய அர்ச்சனா

நேற்றைய எபிசோடில் பிக் பாஸ் அழைத்ததும் அனிதாவுக்கு அடுத்து கன்ஃபெஷன் ரூம் சென்ற அர்ச்சனா, ஆரம்பத்தில் அழாமல் நல்லா அழகாவே பேசிக் கொண்டிருந்தார். ஆனால், அர்ச்சனாவை எங்கே தொட்டால் அழ வைக்க முடியும் என்பதை நன்றாக அறிந்திருந்த பிக் பாஸ் அவரது மகள் பெயரை எடுத்து அழ வைத்து விட்டார்.

கேவி கேவி அழுத அர்ச்சனா

கன்ஃபெஷன் ரூமில் இதுவரை சுரேஷ் சக்கரவர்த்தி கேவி கேவி அழுதது பார்வையாளர்களை ரொம்பவே சோகத்தில் ஆழ்த்தியது. இந்த வாரம் ஷிவானி, ரியோ, அனிதாவை தொடர்ந்து அர்ச்சனாவையும் கன்ஃபெஷன் ரூமுக்கு அழைத்து அழ வைத்து வருகிறார் பிக்பாஸ். கேவி கேவி அர்ச்சனா அழுதாலும் ரசிகர்கள் அது எல்லாம் ஓவர் ஆக்டிங் என்கின்றனர். மகள் ஸாராவை பிரிந்து 73 நாட்கள் வாடும் அம்மாவின் நிஜ அழுகையாகவும் அவரது ரசிகர்கள் அதனை பார்த்தனர்.

மிஸ்டர் லோக்கல் சீன்

தைரியமாக பேசிக் கொண்டிருந்த அர்ச்சனாவை அழ வைக்க பிக் பாஸ் கையாண்ட அந்த யுக்தியை வைத்து சமூக வலைதளங்களில் சூப்பரான ட்ரோல்கள் பறந்து வருகின்றன. சிவகார்த்திகேயன், நயன்தாரா நடிப்பில் வெளியான மிஸ்டர் லோக்கல் திரைப்படத்தில் கண்ணை மூடிக் கொண்டு நினைத்துப் பார்க்க சொல்லும் காட்சிகளை அப்படியே காப்பி அடித்து விட்டார் பிக் பாஸ் என்றும் அவரை கலாய்த்து வருகின்றனர்.

ACTING IDEA இப்போதைக்கு இல்ல | KAADHAL SANDHYA EXCLUSIVE | FILMIBEAT TAMIL

இப்போ ஏன்

கொரோனா பரவல் காரணமாக ஏகப்பட்ட விதிமுறைகள் இந்த ஆண்டு பிக் பாஸ் நிகழ்ச்சியில் மட்டும் கடைபிடிக்கப்படுகிறது. டிஜிட்டல் ரசிகர்களுடன் கமல் உரையாடுவது. பட புரமோஷனுக்காக எந்த படக்குழுவுக்கும் அனுமதி இல்லை. முன்னாள் போட்டியாளர்களும் டிஜிட்டல் வழியே தான் வந்து பேசினார்கள். இந்நிலையில், குடும்பத்தினர் வரும் ஃப்ரீஸ் டாஸ்க்கிற்கு பதிலாக இந்த குடும்ப விசாரிப்பு படலம் தற்போது நடந்து வருவதாகவே தெரிகிறது.