பிக் பாஸ் அல்டிமேட்… இனி 24 மணி நேரமும்… என்டர்டெயின்மென்ட் கன்பார்ம்!

இடம் பெறவில்லை

பிக் பாஸ் சீசனில் அனைத்து போட்டியாளர்களும் கலந்து கொள்வது வழக்கம் ஆனால், தற்போதைய நிகழ்ச்சியில் நமீதா மாரிமுத்து,அபிஷேக், அண்ணாச்சி,மதுமிதா இடம் பெறவில்லை. கொரோனாவின் தாக்கத்தால் அவர்கள் கலந்து கொள்ள முடியவில்லை என கமல்ஹாசன் கூறினார்.

கோலாகலம்

ஆட்டம், பாட்டம் உற்சாகம் என நிகழ்ச்சி கலை கட்டியது, வருண் அக்ஷராவின் கலக்கலான ஆட்டம் நிகழ்ச்சிக்கு சுவாரசியத்தை கூட்டியது. மேலும், விஜய் டிவியின் காமெடியன் பிக் பாஸ் சீசன் 5 போட்டியாளர்கள் போல வேடம் போட்டு அவர்களை கலாய்த்தனர். தாமரைப்போல நாஞ்சில் விஜயன் பேசி அசத்தினார். பாலா நிரூப் போல தலையில் நீண்ட தலைமுடியுடன் அட்டகாசப்படுத்தி அனைவரையும் வயிறு குலுங்க சிரிக்கவைத்தனர்.

ஓடிடியில்

மேலும், பிக் பாஸ் ரசிகர்களுக்கு மகிழ்ச்சியான ஒரு தகவலை கமல்ஹாசன் கூறினார். அதாவது பிக் பாஸ் ஒடிடியில் பிக் பாஸ் அல்டிமேட் எனும் பெயரில் தமிழில் ஹாட்ஸ்டாரில் 24 மணி நேரமும் ஒளிபரப்பாக உள்ளதாக கமல்ஹாசன் அறிவித்தார். பிக் பாஸ் நிகழ்ச்சியின் பல்வேறு சீசன் போட்டியாளர்கள் இதில் கலந்து கொள்ள உள்ளனர். மேலும், இந்த நிகழ்ச்சியை கமலஹாசனே தொகுத்து வழங்க உள்ளார்.

13 போட்டியாளர்கள்

13 போட்டியாளர்களுடன் 42 நாட்களுக்கு தொகுத்து வழங்கும் வகையில், வனிதா, ஜூலி மற்றும் அனிதா சம்பத் போன்றோர் கலந்து கொள்ள இருப்பதாக ஏற்கனவே இவர்களின் பெயர் அடிப்பட்டுள்ளது. இந்த நிகழ்ச்சியை மறுவடிவமைக்கும் பணியில் நிகழ்ச்சி ஏற்பாட்டாளர்கள் ஈடுபட்டுள்ளதாகவும் தகவல்கள் தெரிவிக்கின்றன.

விரைவில்

இந்த புதிய நிகழ்ச்சியில் பிக்பாஸில் டைட்டில் வெற்றியாளர்களைத் தவிர அனைத்து பிக்பாஸ் சீசன் போட்டியாளர்களும் பங்கேற்பார்கள் என்றும் கூறப்பட்டுள்ளது. பிக் பாஸ் அல்டிமேட் நிகழ்ச்சியில் விரைவில் ஒளிபரப்பாகும்.