பல லட்சங்களுடன் வெளியேறிய அமுதா, மைனா... பிக் பாஸ் கொடுத்த லைஃப் டைம் செட்டில்மெண்ட்

முடிவை நோக்கி பிக் பாஸ் சீசன் 6

விஜய் டிவியில் கமல்ஹாசன் தொகுத்து வழங்கும் பிக் பாஸ் நிகழ்ச்சி இதுவரை 5 சீசன்களை கடந்துள்ளது. தற்போது அக்டோபர் 9ம் தேதி தொடங்கிய பிக் பாஸ் சீசன் 6 நிகழ்ச்சி நாளையுடன் முடிவுக்கு வருகிறது. இந்த சீசனில் விக்ரமன், அசீம், ஷிவின், மைனா, அமுதவாணன், கதிர் ஆகிய 6 பேர் மட்டுமே இறுதிப் போட்டிக்கு தகுதிப் பெற்றிருந்தனர். ஆனால் எதிர்பாராத ட்விஸ்ட்டாக கதிர் ரூ.3 லட்சம் பண மூட்டையுடன் பிக் பாஸ் வீட்டில் இருந்து வெளியேறிவிட்டார். அவரைத் தொடர்ந்து அமுதவாணனும் 11.75 லட்சம் ரூபாய் பணப் பெட்டியுடன் பிக் பாஸ் வீட்டில் இருந்து வெளியேறினார்.

மைனா நந்தினி எவிக்சன்

கதிர், அமுதவாணன் வெளியேறியதை தொடர்ந்து விக்ரமன், ஷிவின், அசீம், மைனா ஆகிய நான்கு பேர் மட்டுமே பிக் பாஸ் பைனல் லிஸ்ட்டில் இருந்தனர். இவர்களில் இருவர் மட்டுமே இறுதியாக பைனல் ஸ்டேஜில் ஏறமுடியும் என்பதை பிக் பாஸ் தெளிவாக கூறிவிட்டார். அதனால் பைனலுக்கு முன்பே எந்த இருவர் எவிக்சனாவார்கள் என எதிர்பார்க்கப்பட்டது. இந்நிலையில், தான் திடீரென பிக் பஸ் மிட்வீக் எவிக்சன் நடைபெற்றது. இதில் நான்கு போட்டியாளர்களையும் லிஃப்ட் ட்ராலியில் ஏற்றி இறக்கி கண்ணாமூச்சி ஆட்டம் காட்டிய பிக் பாஸ் இறுதியாக மைனாவை எவிக்சன் செய்து அதிர்ச்சி கொடுத்தார்.

மைனாவின் மொத்த சம்பளம்

பிக் பாஸ் வீட்டில் இருந்து மைனா எவிக்சன் ஆனது ரசிகர்களுக்கும் அதிர்ச்சியை கொடுத்தது. இந்த சீசன் தொடங்கிய இரண்டாவது வாரத்தில் வைல்ட் கார்டு என்ட்ரியாக பிக் பாஸ் வீட்டுக்குள் சென்ற மைனா, தனது காமெடியால் ஹவுஸ்மேட்ஸ்களையும் ரசிகர்களையும் என்டர்டெயின் செய்தார். இந்நிலையில், பிக் பாஸ் வீட்டில் இருந்து வெளியேறிய மைனாவுக்கு வழங்கப்பட்ட சம்பளம் பற்றிய தகவல் வெளியாகியுள்ளது. அதன்படி நாள் ஒன்றுக்கு 20 ஆயிரம் ரூபாய் எனவும், 96 நாட்களுக்கு மொத்தம் 19 லட்சத்து 20 ஆயிரம் ரூபாய் வரை சம்பளம் வாங்கியதாகவும் சொல்லப்படுகிறது.

அமுதாவுக்கு லைஃப் டைம் செட்டில்மெண்ட்

அதேபோல் விஜய் டிவி பிரபலம் அமுதவாணனுக்கு வழங்கப்பட்ட சம்பளம் பற்றியும் தகவல் கிடைத்துள்ளது. பிக் பாஸ் டாஸ்க்கில் அதிகமான வெற்றிகளைப் பெற்ற அமுதவாணன் தான் கண்டிப்பாக டைட்டில் வின் பண்ண வாய்ப்பில்லை என தெரிந்து பணப் பெட்டியுடன் வெளியேறினார். அதில் அப்போது 11.75 லட்சம் ரூபாய் பணம் இருந்தது. அதனுடன் சேர்த்து அவர் பிக் பாஸ் வீட்டில் 102 நாட்கள் இருந்ததற்கு 25 லட்சத்து 75 ஆயிரம் ரூபாய் சம்பளம் கொடுக்கப்பட்டுள்ளதாம். ஆக மொத்தம் 37.50 லட்சம் ரூபாய் பணத்துடன் பிக் பாஸ் வீட்டில் இருந்து வெளியேறியுள்ளார் அமுதா. இது சூப்பரான லைஃப் டைம் செட்டில்மெண்ட் என ரசிகர்கள் அமுதாவுக்கு பாராட்டு தெரிவித்துள்ளனர்.