உலகமகா நடிப்புடா சாமி.. தலையில் அடியே படல.. சீரியல் சீனையெல்லாம் போட்டு ஷெரினை கலாய்க்கிறாங்க!

சீன் போடுறாரா ஷெரினா

நடன டாஸ்க்கில் கலந்து கொள்வதை தவிர்க்க முன்னதாகவும் இதே போலா ஒரு சீனை ஷெரினா போட்டார் என்றும் தற்போது கீழே விழுந்து தலையில் பலத்த அடி பட்டதை போல அவர் நடித்து ஹவுஸ்மேட்களை ஏமாற்றி உள்ளார் என ரசிகர்கள் அவர் கீழே விழும் போது என்ன நடந்தது என்கிற வீடியோவை ஷேர் செய்து விளாசி வருகின்றனர்.

தனலட்சுமி தள்ளல

ஷெரினாவை தனலட்சுமி மனிதநேயமே இல்லாமல் தள்ளி விட்டார் என்றும் உங்க வெஞ்சன்ஸ வெளியே போய் வச்சிக்கோங்க என தனலட்சுமி மீது தனது ஒட்டுமொத்த வெஞ்சன்ஸையும் கொட்டித் தீர்த்து விட்டார் அசீம். ஆனால், தனலட்சுமி ஷெரினாவை தள்ளவில்லை என்று ரசிகர்கள் ஆதாரங்களை அடுக்கி வருகின்றனர்.

ஜனனி காரணமா

தனலட்சுமி பின்னாடி இருந்த ஜனனி தான் நைஸாக ஷெரினாவை இழுத்து கீழே தள்ளினார் என்று ஒரு குரூப்பும், ஷெரினாவின் பின்னாடி இருந்தவர்கள் புஷ் பண்ணியதால் எதிர்பாராத விதமாக ஷெரினா விழுந்தார். ஆனால், அவரது தலை கிழே படவே இல்லை. அதற்குள் அப்படியொரு டிராமாவை போட்டு விட்டார் டிராமா குயின் ஷெரினா என்றும் கமெண்ட்டுகள் குவிந்து வருகின்றன.

சீரியலே தோத்துடும்

நண்பர்களே இன்னைக்கு என்ன நடந்துச்சுன்னா என ஜிபி முத்து ஸ்டைலில் இந்தி சீரியலின் படு அபத்தமான காட்சியை ஷேர் செய்து ஷெரினாவை பங்கமாக கலாய்த்து வருகின்றனர். மாமியார் அடித்ததும் சுற்றி சுழன்று ஸ்க்ரீன் துணியால் கழுத்து இறுகி ஒரு பெண் சாகும் காட்சியை போட்டு இப்படி தான் ஆச்சு என ட்ரோல் செய்து வருகின்றனர்.

ஷெரினாவுக்கு எப்படி அடிபட்டுச்சு

ரோட்டில் நடந்து செல்லும் ஒரு குடிகாரர் வேண்டுமென்றே கார் மீது மோதும் காட்சியை பதிவிட்டு இப்படித்தான் ஷெரினா இன்னைக்கு டிராமா போட்டார் என ஏகப்பட்ட நெட்டிசன்கள் அவரை வெளுத்து வாங்கி வருகின்றனர்.

விக்ரமன் கண்டுபுடிச்சிட்டாரு

ஷெரினாவுக்கு தலையில் அடிபட்ட மாதிரி தெரியல, அவங்க கீழே விழும்போது கையை ஊன்றி பேலன்ஸ் செய்தார் என விக்ரமன் தெளிவாக தனலட்சுமியிடம் சொல்வதை கேப்ஷர் செய்து போட்டு நீ ஒரு ஆளு தான்யா உண்மையை அடிக்கடி வெளிப்படையா பேசுற என பாராட்டி வருகின்றனர்.

தள்ளிவிட்டது இவங்க தான்

அமுதவாணன், ஆயிஷா மற்றும் அவர்களுக்கு பின்னாடி இருந்தவங்க தான் ஷெரினாவை தள்ளி விட்டாங்க.. ஆனால், சம்மந்தமே இல்லாமல் தனலட்சுமி தான் தள்ளி விட்டார் என்று சொல்வதும் அசீம் அப்படி பேசுவதெல்லாம் திட்டமிட்ட சதி என பிக் பாஸ் ரசிகர்கள் வீடியோ ஆதாரங்களை போட்டு வெளுத்து வாங்கி வருகின்றனர்.