Bigg Boss Tamil 6: ஓப்பன் நாமினேஷன் என்றதும் பூசி மெழுகிட்டீங்களா.. ஹவுஸ்மேட்ஸை விளாசிய கமல்!

கமல் வந்துட்டாரு

உடல் நலக்குறைவு காரணமாக கமல்ஹாசன் மருத்துவமனையில் அனுமதிக்கப்பட்டதாக தகவல்கள் வெளியான நிலையில், இந்த வாரம் பிக் பாஸ் நிகழ்ச்சியை அவர் தொகுத்து வழங்குவாரா? மாட்டாரா? என்கிற கேள்வி எழுந்தது. ஆனால், லேசான காய்ச்சல் தான் கமல் வருவார் என்று எதிர்பார்த்ததை போலவே அவர் இந்த வாரம் பிக் பாஸ் நிகழ்ச்சியை தொகுத்து வழங்கி உள்ளார்.

ஓப்பன் நாமினேஷன்

இந்த வாரம் பிக் பாஸ் வீட்டில் ஓப்பன் நாமினேஷன் நடைபெற்றது. அசீம், தனலட்சுமி, மணிகண்டன், ராபர்ட் மாஸ்டர், ராம், கதிரவன் உள்ளிட்ட போட்டியாளர்கள் நாமினேட் செய்யப்பட்டனர். ஓப்பன் நாமினேஷன் ரொம்பவே ஃபேர் பிளேவாக இல்லை என்றும் சேஃப் கேமாக இருந்தது என விமர்சிக்கப்பட்ட நிலையில், அதுதொடர்பான கேள்விகளை கமல் எழுப்பி உள்ளார்.

அன்பு டீம் 2.0

ஒரு டீம் குள்ள மட்டும் நாமினேஷனே பண்ணாம இருந்துட்டாங்க என அன்பு டீம் 2.0 உருவாகி இருப்பதை அசீம் போட்டு உடைத்து விட்டார். கமல் முன்பு தான் ரெட் ஸ்டாம்ப், சக்கரை தண்ணி என எல்லாத்தையும் அசீமுக்கு வரிசையா அனைவரும் கொடுப்பது போல நாமினேஷனும் இந்த வாரமும் அசீம் பெயரை லைனா சொன்னா அவர் சும்மாவா இருப்பாரு..

நகைப்புக்குரியது

மணிகண்டனை நாமினேட் செய்ய முடிவு செய்து விட்டு, அவர் ஸ்ட்ராங் பிளேயர் அதற்காக நாமினேட் செய்கிறேன் என சொன்னதெல்லாம் ரொம்பவே நகைப்புக்குரியதாக இருந்தது அண்ணா என கமலிடம் அன்புத் தம்பி விக்ரமன் பேசிய காட்சிகள் இடம் பெற்றுள்ளன.

கடுப்பான கமல்

ஓப்பன் நாமினேஷன் வச்சி உங்களுக்குள் பெரிய சண்டையை மூட்டி விடலாம் என போட்டத் திட்டத்தையும் பாழாக்கிட்டீங்க, நீதிமன்றம் செட்டப் போட்டு செலவு செஞ்சதும் வேஸ்ட், இந்த சீசன் பெஸ்ட்டுன்னு பார்த்தா, இவ்ளோ வொர்ஸ்ட்டாகிட்டீங்களே என கமல் வெளுத்து வாங்கி உள்ள காட்சிகள் இன்றைய ப்ரமோ 3ல் இடம்பெற்றுள்ளது.