Bigg Boss Tamil 6 Eviction: ஷிவின் எல்லாம் இல்லைங்க.. இந்த போட்டியாளர் தான் இந்த வாரம் எவிக்டாம்!

ஷிவின் சேவ்

பிக் பாஸ் நிகழ்ச்சியில் கடந்த 5வது சீசனிலேயே நமீதா மாரிமுத்து எனும் திருநங்கை போட்டியாளர் கலந்து கொண்டார். ஆனால், அவர் அந்த வீட்டில் ஒரு வாரம் கூட தாக்குப் பிடிக்கவில்லை. ஆனால், இந்த சீசனில் களமிறங்கி உள்ள ஷிவின் கிட்டத்தட்ட 10 வாரங்கள் வரை நாமினேஷனுக்கே வராமல் சேவ் ஆகி வந்த நிலையில், ஃபைனலிஸ்ட் போட்டியாளர்களில் ஒருவராக மாறுவார் என எதிர்பார்க்கப்படுகிறது. இந்த வாரம் ஷிவின் எவிக்ட் ஆகவில்லை. அவர் சேவ் ஆகி உள்ளதாக தகவல்கள் லீக் ஆகி உள்ளன.

டிக்கெட் டு ஃபினாலே

விஜய் டிவி பிரபலமான அமுதவாணன் தான் இந்த வாரம் குறைவான ஓட்டுக்களுடன் தனியார் கருத்துக் கணிப்புகளில் கடைசி இடத்தில் உள்ளார். அவரை காப்பாற்றி இறுதி வாரத்திற்கு கொண்டு செல்வதற்காகவே டிக்கெட் டு ஃபினாலேவில் அவரை வெற்றி பெற செய்துள்ளது விஜய் டிவி என நெட்டிசன்கள் விவாதம் செய்து வருகின்றனர்.

ஏடிகே, மைனா என்ன பண்ணாங்க

இந்த வாரம் அமுதவாணன், ஷிவினை விட வெளியேற தகுதியான இரண்டு போட்டியாளர்கள் என்றால் அது ஏடிகே மற்றும் மைனா இருவரில் ஒருவர் தான் என்றும் பேச்சுக்கள் ரசிகர்கள் மத்தியில் நிலவின. ஆனால், இந்த வாரமும் அந்த இருவரும் எவிக்ட் ஆகாமல் சேவ் ஆகி விட்டதாக தகவல்கள் வெளியாகி உள்ளன.

ரச்சிதா அவுட்

பெரிதாக யாரிடமும் சண்டை போட்டுக் கொள்ளாமல் கோல்டன் மைக் டாஸ்க்கில் கத்தியதற்கு பிறகு பிக் பாஸ் வீட்டில் மீண்டும் சைலன்ட் மோடுக்கு மாறிவிட்ட ரச்சிதா தான் இந்த வாரம் பிக் பாஸ் வீட்டை விட்டு வெளியேறி உள்ளார் என தகவல்கள் வெளியாகி உள்ளன. தனியார் கருத்துக் கணிப்புகளில் அமுதவாணனை விட சற்றே அதிக வாக்குகளுடன் ரச்சிதா முன்னிலையில் இருந்தது குறிப்பிடத்தக்கது.