பிக் பாஸ் வீட்டில் மீண்டும் ஜனனி? விக்ரமன் நியாயமான ஆளே கிடையாது என விளாசிய அசீம்

பிக் பாஸ் 82வது நாள்

பிக் பாஸ் சீசன் 6 நிகழ்ச்சி இன்று 82வது நாளில் அடியெடுத்து வைத்துள்ளது. ஆட்டம் நாளுக்கு நாள் சூடுபிடித்து வரும் நிலையில், இந்த வாரம் யார் எவிக்சன் என்ற எதிர்பார்ப்பில் ரசிகர்கள் காத்திருக்கின்றனர். இதுவரை கிடைத்த தகவலின்படி மணிகண்டன், ஏடிகே இருவரும் தான் குறைந்த ஓட்டுக்கள் வாங்கியுள்ளதாக தெரிகிறது. குறிப்பாக மணிகண்டன் தான் இந்த வாரம் எவிக்சன் ஆவார் என எதிர்பார்க்கப்படுகிறது. இதனிடையே இன்றைய தினத்துக்கான மூன்று ப்ரோமோக்களும் வெளியாகிவிட்டன.

விக்ரமனை டார்க்கெட் செய்த மைனா

அதன்படி இன்று வெளியான முதல் ப்ரோமோவில், போட்டியாளர்கள் ஒருவருக்கொருவர் மற்றவர்களின் தவறுகளை சுட்டிக் காட்டுவதாக தெரிகிறது. முதலில் பேச வரும் மைனா, விக்ரமனை டார்க்கெட் செய்து தனது கருத்துகளை முன்வைக்கிறார். அதில், நீங்கள் ஒப்பினியன் செல்வது சரிதான், ஆனால், எல்லாவற்றுக்கும் கருத்து சொல்வதை ஏற்றுக்கொள்ள முடியாது. மற்றவர்களின் குறைகளை மட்டுமே விக்ரமன் பேசிவருவதாக விமர்சனம் செய்கிறார் மைனா. அதற்கு மைனாவிடம் பதில் சொன்ன விக்ரமன், நீங்க இதுவரை எந்த போட்டியாளர்கள் செய்த தவறையும் சுட்டிக் காட்டி நான் பார்த்ததே இல்லையே எனக் கூறினார்.

சனிக்கிழமை தைரிய லட்சுமி ரச்சிதா

அதனைத் தொடர்ந்து வெளியான இரண்டாவது ப்ரோமோவில், அசீம் விளையாடுவது பற்றி விமர்சனம் செய்கிறார் ரச்சிதா. அதில் அசீம் எப்போதும் அடுத்தவர்களை அமுக்கிவிடுகிறார் என கூறுகிறார். உடனே இதற்கு மறுப்பு தெரிவிக்கும் அசீம், என்னைப் பார்த்து அப்படி சொல்ல வேண்டாம், நான் யாரையும் அமுக்கிவிடவில்லை. உங்களுக்கு தான் சனிக்கிழமை மட்டும் தைரியம் வருகிறது. கமல் சார் வருவார் என தெரிந்ததும் தைரியமாக பேசுறீங்க. ஆனால், வீட்டில் இருக்கும் என்னிடம் இதுவரை தைரியமாக ஒருநாள் கூட பேசியதே இல்லை என மறுக்கிறார்.

அசீம் - விக்ரமன் மீண்டும் மோதல்

இந்நிலையில், இன்றைய தினத்துக்கான மூன்றாவது ப்ரோமோ தற்போது வெளியாகியுள்ளது. அதில், ஜனனி ஷிவினை நாமினேட் செய்த போது, நீங்க அத தப்பா பார்க்கலையா என அமுதவாணனிடம் கேள்வி எழுப்புகிறார். ஆனால் அமுதவாணன் விக்ரமனின் கேள்விக்கு பதிலளிக்காமல், நீங்களும் தான் அசீமை 'ஏய்' என ஒருமையில் பேசியிருந்தீங்க, அப்போ அது தப்பில்லையா என திருப்பிக் கேட்கிறார். அதற்கு விளக்கம் சொல்லும் விக்ரமன், "அவரு சாப்பாட்டுல எச்சி துப்பித் தர்றேன் நீ சாப்பிடுன்னு சொன்னார்" என மேலும் விளக்கம் சொல்ல வருகிறார். ஆனால், அதை அனுமதிக்காத அசீம், நான் Question மார்க் தான் வச்சேன், நீங்க தான் புல் ஸ்டாப் வச்சிங்க, நீங்க தான் நியாயமானவன் மாதிரியும், மற்றவங்க நியாயமற்றவர்கள் மாதிரியும் பேசாதீங்க" என கூறுகிறார். அதனால் கடுப்பான விக்ரமன், நியாயம் இல்லைன்னா, அது நியாயம் இல்லைன்னு தான் சொல்வேன் என கோபமாக செல்கிறார். இந்த ப்ரோமோ வீடியோ பிக் பாஸ் ரசிகர்களிடம் ட்ரெண்டாகி வருகிறது.