அசீமுக்கு நாளுக்கு நாள் பெருகும் ஆதரவு..சின்ராச இனி கையில பிடிக்க முடியாதே!

யார் வெளியேறுவார்

பிக் பாஸ் வீட்டில் இந்த வாரம் ஆதிவாசிகள் மற்றும் ஏலியன்ஸ் டாஸ்க் நடைபெற்று முடிந்தது. இந்த டாஸ்க்கில் ஜனனி, குயின்ஸி, ரச்சிதா ஆகிய மூவரும் சரியாக விளையாடவில்லை. இருந்தாலும் அதிக கற்களை ஆட்டையை போட்டு வைத்திருந்த ரச்சித்தா, இந்த வாரம் காப்பாற்றப்பட்டார். இதில் கதிரவன் மற்றும் தனலட்சுமி நேற்று காப்பாற்றப்பட்டார்கள்.

சோகத்தில் ரசிகர்கள்

தற்போது, ஜனனி, குயின்ஸி ஆகியோருக்கு குறைந்த வாக்குகள் கிடைத்துள்ளது. இதில், குறைந்த வாக்குகளை பெற்ற குயின்ஸி இன்று பிக்பாஸ் வீட்டில் இருந்து வெளியேறி உள்ளதாக தகவல்கள் வெளியாகி உள்ளது. ராம்,கதிரவன், ஜனனி ஆகியோர் வெட்டியாக இருக்கும் போது குயின்ஸி வெளியேறி உள்ளது அவரது ரசிகர்களை சோகத்தில் ஆழ்த்தியுள்ளது.

தனம் பேசுவது சரியில்லை

இந்நிலையில், இன்றைய எபிசோடுக்கான மூன்றாவது ப்ரோமோ வெளியாகி உள்ளது. அதில், உங்களின் பாப்புலாரிட்டி லெவல் குறித்து என்ன நினைக்கிறீர்கள் என்று கேட்டு பச்சை மற்றும் சிவப்பு வண்ண பெட்டியை வைத்துள்ளார் கமல். இதையடுத்து வந்த ஏடிகே, நான் தனலட்சுமிக்கு சிவப்பு தருகிறேன். அவங்க பேசும் விதம், நடந்துகொள்ளும் விதத்தை வைத்து சிவப்பு தருகிறேன் என்றார்.

அசீமுக்கு பெரும் ஆதரவு

இதில் அதிகம் பேர் ஷிவின் மற்றும் விக்ரமனுக்கும் பச்சை கொடுத்தனர். இதில் பலர் அசீமுக்கு சிவப்பு கொடுத்தனர். இதற்கு பதில் அளித்த அசீம், இது இந்த வீட்டில் இருப்பவர்களின் எண்ணம் என்றுதான் நான் நினைக்கிறேனே தவிர, இதுதான் உண்மை என்று நான் நினைக்கவில்லை என்று சொன்னதும், அங்கு இருக்கும் ஆடியன்ஸ் கை தட்டி அசீமுக்கு ஆதரவு தெரிவிக்கின்றனர்.

அசீம் ஆர்மி

ஆரம்பத்தில் அசீமுக்கு ரெட் கார்டு கொடுத்து வெளியில் அனுப்ப வேண்டும் என்று ரசிகர்கள் கொந்தளித்து வந்தனர். ஆனால், நாட்கள் செல்ல செல்ல பிக்பாஸ் வீட்டில் அவர் மட்டும் தான் போலித்தனமாக இல்லாமல், விளையாட்டின் மீது கவனம் செலுத்தி விளையாடி வருகிறார் என்று அசீமுக்கு ஆதரவாக பல கருத்துக்கள் வெளியாகி, சோஷியல் மீடியாவில் அவருக்கு ஆதரவு பெருகி வருகிறது.