டைட்டில் வின்னர் அசீம்... இதெல்லாம் உலகமகா உருட்டு... பாய்காட் ட்ரெண்டிங்கில் விஜய் டிவி

முடிவுக்கு வந்த பிக் பாச் சீசன் 6

21 போட்டியாளர்களுடன் தொடங்கிய பிக் பாஸ் சீசன் 6 நேற்றுடன் முடிவுக்கு வந்தது. இந்த சீசனில் அசீம் டைட்டில் வின்னராக அறிவிக்கப்பட்டுள்ளார். ரசிகர்களின் வாக்குகள் அடிப்படையில் அசீம் டைட்டில் வின்னராகவும், விக்ரமன் ரன்னர் அப் எனவும் தேர்வுசெய்யப்பட்டுள்ளனர். மூன்றாவது இடம் ஷிவின் கணேஷனுக்கு கிடைத்துள்ளது. அசீம், விக்ரமன், ஷிவின் மூன்று பேர் மட்டுமே இறுதிப் போட்டிக்கு தகுதிப் பெற்ற நிலையில், பெரும்பாலானோர் விக்ரமனே டைட்டில் வெல்வார் என எதிர்பார்த்து காத்திருந்தனர். ஆனால் அசீம் வெற்றிப் பெற்றது பலரையும் அதிர்ச்சியில் ஆழ்த்தியது.

இதுதான் நியாயமா?

அசீம் டைட்டில் வென்றதை அவரது ரசிகர்கள் கொண்டாடி வருகின்றனர். பிக் பாஸ் டைட்டில் வின்னர் அசீம், மக்கள் நாயகன் அசீம் என பலவிதமான ஹேஷ்டேக்குகளை ட்ரெண்ட் செய்து வருகின்றனர். அதேநேரம் அசீம் டைட்டில் வென்றாலும் விக்ரமன் தான் ரியல் வின்னர், அறம் வெல்லும் என நெட்டிசன்கள் ட்வீட் செய்து வருகின்றனர். முக்கியமாக டைட்டில் வின்னர் அறிவித்ததில் விஜய் டிவி பொறுப்புடன் நடந்துகொள்ளவில்லை, இதெல்லாம் என்ன நியாயம் எனவும் நெட்டிசன்கள் கேள்வி எழுப்பி வருகின்றனர்.

பாய்காட் விஜய் டிவி

விஜய் டிவி ப்ராடக்ட்டான அசீமுக்கு டைட்டில் வின்னர் கொடுத்தது கொஞ்சம் கூட நியாயமான செயல் இல்லை என ரசிகர்கள் விமர்சித்து வருகின்றனர். தனியாக பிஆர்ஓ, யூடியூபர்களை வைத்து ஓட்டு கேன்வாஸ் செய்த அசீமுக்கு டைட்டில் கொடுத்தது கேவலமான ஒன்று எனவும் அவர்கள் கூறி வருகின்றனர். இதனால் கடுப்பான ரசிகர்கள் பாய்காட் விஜய் டிவி என்ற ஹேஷ்டேக்கை ட்ரெண்ட் செய்து வருகின்றனர்.

தொடர்ந்து ட்ரெண்டிங்

மேலும் பல ரசிகர்கள் விஜய் டிவியின் ஹாட்ஸ்டார் ஆப்பை தங்களது மொபைலில் இருந்து அன்-இன்ஸ்டால் செய்து எதிர்ப்பு தெரிவித்து வருகின்றனர். நேர்மையாகவும் அறத்துடனும் விளையாடிய விக்ரமனுக்கு தான் நியாயமாக இந்த டைட்டில் கிடைத்திருக்க வேண்டும், அசீமுக்கு கொடுத்தது தவறான முன்னுதாரணம் என கமெண்ட்ஸ் செய்து வருகின்றனர். இனி அடுத்து நடக்கும் சீசன்களில் அசீம் மாதிரி பாடி மாப்பிங் செய்தும் மற்றவர்களை தரக்குறைவாக விமர்சித்தும் விளையாடுவதை போட்டியாளர்கள் விரும்புவார்கள் எனவும் கடுமையாக விமர்சித்து வருகின்றனர். நேற்று மாலை முதல் இப்போது வரையிலும் பாய்காட் விஜய் டிவி ட்ரெண்டிங்கில் இருப்பது குறிப்பிடத்தக்கது.