பிரண்ட்ஷிப்தான் சொத்து நமக்கு..நண்பர்களாக மாறிய ரச்சித்தா-ராபர்ட்..இந்த உருட்டு வித்தியாசமா இருக்கே!

பிக் பாஸ் சீசன் 6

பிக் பாஸ் சீசன் 6 நிகழ்ச்சி இறுதிகட்டத்தை எட்டி உள்ளது. போன வாரத்தில் இருந்து போட்டியாளர்களுக்கு என்ன டாஸ்க் கொடுக்கலாம் என்று தெரியாததால், நிகழ்ச்சியின் சுவாரசியத்திற்காக பிக்பாஸ் வீட்டில் இருந்து வெளியேறிய போட்டியாளர்கள் மீண்டும் வந்துள்ளனர். விருந்தாளியாக வந்த போட்டியாளர்களிடம் அசீம் பாரபட்சமே இல்லாமல் சண்டை போட்டு வருகிறார்.

முதல் ப்ரோமோ

வெள்ளிக்கிழமை வரைக்கும் ஏதாவது கண்டென்ட் கொடுத்தே ஆகவேண்டிய கட்டாயத்தில் பிக்பாஸ் இருப்பதால்,போட்டியாளர்களிடம் யாருடன் நட்புவைத்துக்கொள்ள விரும்புவதாக கேட்டுள்ளார். காலையில் வெளியான முதல் ப்ரோமோவில், பிரண்ட்ஷிப்பே வெச்சிக்க வேண்டாம் என்று நினைத்தது அசீம் தான், இதனால், அவருடன் நட்பு வைத்துக்கொள்ள ஆசைப்படுகிறேன் என்றார். இதைபோல, பலரும் அசீம் பெயரையே கூறினார்கள்.

நண்பர்களாக இருப்போம்

இதையடுத்து, தற்போது வெளியாகி உள்ள இரண்டாவது ப்ரோமோவில், யாருடா இது என்று ஷிவின் மீது ரொம்ப வெறுப்பா இருந்தேன், இருந்தாலும் அவருடன் நட்பாக இருக்க விரும்புகிறேன் என்றார் அமுதவாணன். இதையடுத்த வந்த ரச்சித்தா, ராபர்ட் மாஸ்டர் செய்தது எனக்கு தப்பாவே தெரியவில்லை. யாருக்கு யாரை, எந்த நேரத்தில் வேண்டுமானாலும் பிடிக்கும். இதுக்கு அப்புறம் ஒரு அழகான பிரண்ட்ஷிப் இருக்க வேண்டும் என்று ஆசைப்படுவதாக கூறி ரச்சித்தா ராபர்ட் மாஸ்டரின் கையில் பிரண்ட்ஷிப் பேண்டை கட்டினார்.

இந்த உருட்டு வித்தியாசமா இருக்கே

இந்த ப்ரோமோவைப் பார்த்த நெட்டிசன்கள், நேற்று உள்ளே வந்த ரச்சித்தா, ராபர்ட் மாஸ்டரை கண்டுகொள்ளவே இல்லை. அவரிடம் ஒரு வார்த்தைக்கூட பேசவில்லை. இப்போது, ஏதோ பேச்சுக்காக நட்புதான் பெரிசு போல பேசுவதைப் பார்க்கவே கடுப்பாக இருக்கு என்றும், இந்த உருட்டு வித்தியாசமா இருக்கே என்றும் கிண்டலடித்து வருகின்றனர்.