“அறம் வெல்லும்“ கண்கலங்கிய விக்ரமன்...நெகிழ்ந்து பாராட்டிய பிக் பாஸ்!

அமுதவாணன் வெளியேறினார்

இதில், 3 லட்சம் ரூபாய் பண மூட்டையுடன் கதிர் வெளியேறினார். இதையடுத்து, பிக் பாஸ் நிகழ்ச்சியில் இரண்டாவது முறையாக பணப்பெட்டி வைக்கப்பட்டது. 3 லட்சத்துடன் வந்த பணப்பெட்டியில் மளமளவென 13லட்சம் ரூபாய் வந்ததும், கணிசமான தொலைக்காக காத்திருந்த அமுதவாணன் பணப்பெட்டியுடன் வெளியேறினார். தற்போது வீட்டில் 4பேர் மட்டுமே உள்ளனர்.

கண்கலங்கிய விக்ரமன்

இந்நிலையில், பிக் பாஸ் நிகழ்ச்சியின் இன்றைய எபிசோடுக்கான இரண்டாவது ப்ரோமோவில், சக மனிதரை மதிக்கத் தெரிந்த ஒரு தோழரை அடையாளம் காட்டியதில் எனக்கு மகிழ்ச்சி என்று பிக் பாஸ் விக்ரமனை பாராட்டி உள்ளர். தமிழ்நாட்டின் மிகவும் பிரம்மாண்டமான ஷோ என்பதை தாண்டி, ரொம்ப தேவையான ஷோவா பிக பாஸ் நிகழ்ச்சி இருக்கு. ஒரு ஜனரஞ்சகமான மேடையில் எளியவர்களுக்கு வாய்ப்பு கொடுத்தது ஒரு சாதாரணமானது இல்லை இது ஒரு புரட்சி என்று கண்கலங்கினார் விக்ரமன்.

அறம் வெல்லும்

அப்போது, பிக்பாஸ் இது என்ன புரட்சி நீங்கள் வெளி உலகத்திற்கு சென்று செய்யும் புரட்சியைப்பார்க்க ஆர்வமாக இருக்கிறேன் என்றார். அதன் பிறகு கைகளை தூக்கி அறம் வெல்லும் என்று கோஷமிட்டார் விக்ரமன். இந்த ப்ரோமோவைப்பார்த்த ரசிகர் ஒருவர் தனது ட்விட்டர் பக்கத்தில், இந்த ப்ரோமோவை ரிபீட் மோடில் பார்க்கிறேன். விஜய் டிவி நல்ல மனிதரை இந்த சோசைட்டிக்கு காட்டியதற்கு நன்றி, அறம் வெல்லும் விக்ரமனும் வெல்வார் என்று பதிவிட்டுள்ளார்.

மக்கள் மனதை வென்ற அசீம்

முன்னதாக காலையில் வெளியான முதல் ப்ரோமோவில், இந்த மொத்த வீடும் எதிர்ந்து நின்ற போதும், கொஞ்சமும் பயப்படாமல் இந்த பிக் பாஸ் போட்டியை முழுமையாக விளையாடி மக்கள் மனதில் இடம் பிடித்து விட்டீர்கள் என்று அசீமை பிக்பாஸ் பாராட்டினார். அப்போது, அசீம் சிறு குழந்தை போல கதறி கதறி அழுதார்.