அசீம் கேட்ட அந்த கேள்வி..திக்குமுக்காடிப்போன ரச்சித்தா..இதெல்லாம் ரொம்ப ஓவர்..கொந்தளித்த பேன்ஸ்!

பிக் பாஸ் சீசன் 6

பிக் பாஸ் சீசன் 6 நிகழ்ச்சியில் விக்ரமன், அசீம் மற்றும் திருநங்கை ஷிவினுக்கே ஏராளமான ரசிகர்கள் உள்ளனர். ஷிவினை ஏறக்குறைய பத்து வாரங்கள் யாருமே நாமினேட் செய்யவில்லை இதுவே ஒரு வெற்றியாக பார்க்கப்படுகிறது. அதே போல அசீமை வீட்டில் ஒவ்வொரு போட்டியாளரும் வாரம் தவறாமல் தொடர்ந்து நாமினேட் செய்தனர். ஆனால், ரசிகர்களின் ஆதரவால் அவர் வெளியேறவில்லை. அதே போல விக்ரமனுக்கும் ஏகப்பட்ட ரசிகர்கள் இருக்கிறார்கள். விக்ரமன் அம்பேத்கருக்கு கடிதம் எழுதி ஒட்டுமொத்த இளசுகளில் மனதில் இடம்பிடித்து விட்டார். இதனால், இவர் வெற்றி பெற அதிக வாய்ப்பு உள்ளது என்று கூறப்படுகிறது.

பெய்டு ஹாலிடேக்கு வந்தீங்களா?

பிக் பாஸ் நிகழ்ச்சியின் இன்றைய எபிசோடுக்கான மூன்றாவது ப்ரோமோவில், டிக்கெட் டூ ஃபினாலே டாஸ்கிற்காக ரச்சித்தாவும் அசீமும் விவாதித்து கொள்கின்றனர். அப்போது அசீம், பிக் பாஸ் வீட்டில் 87 நாட்கள் என்ன பண்ணீங்க? பெய்டு ஹாலிடேக்கு வந்து இருக்கீங்களா? என்று கேட்டார்களே அதைப்பற்றி என்ன நினைக்கிறீங்க என்று கேட்டார். இதற்கு பதிலளித்த ரச்சித்தா, நான் டாஸ்கில் ஜெயிச்சது,விளையாடியது எல்லாம் உங்களுக்கு நிறைவா தெரியவில்லையா என கேட்டார்.

நான் இங்க நடிக்க வரல

இதையடுத்து, பேசிய அசீம், நீங்க நிறைவாகத் தெரியிற அளவிற்கு இந்த வீட்டில் என்ன பண்ணி இருக்கீங்க எனக்கேட்க. அதற்கு ரச்சித்தா ரீல் முகம், ரியல் முகம் எல்லாமே நான் வெளிய நடிச்சாச்சு அசீம், இங்க வந்து நான் நடிக்க வேண்டிய அவசியம் இல்லை எனக் கூறுகின்றார். இவ்வாறாக இன்றைய ப்ரோமோ வெளிவந்து இருக்கிறது.

இதெல்லாம் ரொம்ப ஓவர்

இந்த ப்ரோமோவைப் பார்த்த ரசிகர்கள் கடந்த சில வாரங்களாகவே ரச்சித்தா மீது அசீம் கடுப்பில் இருந்தார். எப்போதும், அவரையே நாமினேட் செய்து வந்துள்ளார். தற்போது இந்த டாஸ்கில் அவரை மடக்கி மடக்கி கேள்வி கேட்டு ரச்சித்தாவையே திணறவிட்டுள்ளார். அசீம் பேசுவது எல்லாம் ரொம்ப ஓவர் தான் பிக்பாஸ் வீட்டில் சண்டை போட்டதைத்தவிர அசீம் பெரிதாக எதையும் செய்யவில்லை என நெட்டிசன்கள் கருத்து தெரிவித்துள்ளனர்.

கடுமையான போட்டி

பிற்பகலில் வெளியான இரண்டாவது ப்ரோமோவில், ஒவ்வொரு போட்டியாளர்களும் டிக்கெட் டூ ஃபினாலே டாஸ்கில் வெற்றி பெற கடுமையாக விவாதம் செய்து வருகின்றனர். இந்த கோல்டன் டிக்கெட்டை பெறுபவர்கள் நாமினேஷனில் சிக்காமல் நேரடியாக இறுதிப்போட்டிக்கு சென்று விடலாம் என்பதால், இந்த டிக்கெட்டை பெற கடுமையான போட்டி நடந்து வருகிறது. இதில் யார் டிக்கெட் டூ ஃபினாலே பெறுவார் என்பதை பொருத்திருந்து பார்க்கலாம்.