சொன்னபடி செய்த பிக் பாஸ் அசீம்... ஆனாலும் விடாமல் துரத்தும் நெட்டிசன்கள்

பிக் பாஸ் சீசன் 6 சர்ச்சை

கடந்தாண்டு அக்டோபர் 9ம் தேதி தொடங்கிய பிக் பாஸ் சீசன் 6 நிகழ்ச்சி, 22ம் தேதியோடு முடிவுக்கு வந்தது. 21 போட்டியாளர்களுடன் தொடங்கிய இந்த சீசனில் அசீம் டைட்டில் வின்னராக அறிவிக்கப்பட்டார். வாக்குகள் அடிப்படையில் அசீம் பிக் பாஸ் சீசன் 6ன் டைட்டில் வின்னராக அறிவிக்கப்பட்டாலும், பெரும்பாலான ரசிகர்கள் இதனை ஏற்றுக்கொள்ளவில்லை. நியாயமாக விக்ரமன் தான் டைட்டில் வெல்ல தகுதியானவர் என சமூக வலைத்தளங்களில் தங்கள் அதிருப்தியை வெளிப்படுத்தினர்.

சொன்னபடி செய்த அசீம்

இதனிடையே டைட்டில் வென்ற அசீம், பிக் பாஸ் வீட்டுக்குள் இருந்து போது கொடுத்த வாக்குறுதியை நிறைவேற்றுவதாக கூறியுள்ளார். பிக் பாஸ் பைனலுக்கு முன்னால் வாக்கு சேகரித்த அசீம், தான் டைட்டில் வென்று 50 லட்சம் ரூபாய் பணம் கிடைத்தால், அதில் 25 லட்சத்தை கொரோனாவால் பெற்றோரை இழந்த மாணவர்களின் கல்விக்காக கொடுப்பேன் என்றிருந்தார். தற்போது அதுகுறித்து தனது இன்ஸ்டாவில் வீடியோ வெளியிட்டுள்ள அசீம், ஏற்கனவே சொன்னபடி தான் வென்ற 50 லட்சத்தில், ரூ.25 லட்சத்தை மாணவர்களின் கல்விக்காக கொடுக்கவுள்ளதாகக் கூறியுள்ளார். மேலும் தன்னை வெற்றிப் பெற செய்த ரசிகர்களுக்கும் நன்றி தெரிவித்துள்ளார்.

அசீமை விடாத நெட்டிசன்கள்

அசீம் வெளியிட்டுள்ள வீடியோ ட்ரெண்டாகி வரும் நிலையில், பலரும் அவரது செயலை பாராட்டியுள்ளனர். அதேநேரம் அசீமின் வெற்றி ஏற்புடையதல்ல, அது இந்த சமூகத்திற்கு ஒரு தவறான முன்னுதாரணம் என ட்ரோல் செய்து வருகின்றனர். மேலும் Abuser Azeem என்ற ஹேஷ்டேக்கையும் ட்ரெண்ட் செய்து வருகின்றனர். Abuser Azeem என்ற ஹேஷ்டேக் தொடர்ந்து 4வது நாளாக ட்ரெண்டிங்கில் இருப்பது குறிப்பிடத்தக்கது.

அறம் வெல்லும்

அதேபோல் கடந்த 3 தினங்களாக பாய்காட் விஜய் டிவி என்ற ஹேஷ்டேக்கும் ட்ரெண்டிங்கில் இருந்தது குறிப்பிடத்தக்கது. அசீம் டைட்டில் வென்றது பிக் பாஸ் சீசன் 6ல் பங்கேற்ற சக போட்டியாளர்களுக்கே உடன்பாடில்லை என்பதையும் பார்க்க முடிகிறது. அதேநேரம் தொடர்ந்து விக்ரமன்தான் உண்மையான வெற்றியாளர், அறமே வெல்லும் என அவருக்கு ஆதரவாகவும் கருத்து தெரிவித்து வருகின்றனர். பிரபல யூடியூப் சேனல்களுக்கு பேட்டியளித்த விக்ரமனும் அசீமின் வெற்றியை தவறான முன்னுதாரணம் என பேசியது குறிப்பிடத்தக்கது.