தூங்கும் போலீசிடமே திருடும் அபினய்...பிக்பாஸ் அல்டிமேட் அலப்பறைகள்

கலகலப்பை கூட்டிய பிக்பாஸ்

இதனால் ரசிகர்களை கவர்வதற்காக இரண்டாவது வாரத்தில் கலகலப்பையும், சுவாரஸ்யத்தையும் கூட்டி விட்டார் பிக்பாஸ். இந்த வாரத்தின் ஆரம்பித்திலேயே வனிதாவை டிரெண்டிங் பிளேயர் என அறிவித்து அவரை நாமினேட் செய்ய முடியாது என்றார் பிக்பாஸ். அதோடு வீட்டின் ரெஸ்ட்ரிக்டட் பகுதியை பயன்படுத்தும் அதிகாரம் அவருக்கு வழங்கப்பட்டது.

போலீஸ்-களவாணி டாஸ்க்

வனிதாவின் சண்டைகள், அலப்பறைகள் மட்டுமே காட்டினால் மக்களுக்கு போரடித்து விடும் என்பதால் இந்த வாரம் களவாணிகள் - போலீஸ் டாஸ்க்கை வழங்கி உள்ளனர். இதில் வனிதா, தாமரை, பாலாஜி, அனிதா, சுருதி, ஷாரிக், சுஜா வருணி ஆகியோர் போலீசாகவும், பாலாஜி முருகதாஸ், அபினய், நிரூப், ஜுலி, அபிராபி, சினேகன் ஆகியோர் களவாணிகளாகவும் உள்ளனர். கடந்த வாரம் ஹவுஸ்மேட்களை வனிதா தான் வச்சு செய்தார். ஆனால் இந்த வாரம் அப்படியே தலைகீழாக மாறி, மற்றவர்கள் வனிதாவை கிறங்கடித்து வருகின்றனர்.

வனிதாவையே டயர்ட் ஆக்கிட்டாங்களே

களவாணிகளாக இருப்பவர்கள் போலீஸ் டீமில் இருப்பவர்களின் பொருட்களை திருடி, அடகு கடையில் அடகு வைத்து பணம் பெற்றுக் கொள்ளலாம். இதனால் போலீசாக இருக்கும் வனிதாவின் கிளிப், பிளவுஸ், ஷாரிக்கின் ஷு ஆகியவற்றை திருடி வந்து அடகு வைத்தனர். களவாணிகள் செய்த அலப்பறையால் டயர்டாகி வனிதா தூங்க சென்று விட்டார். காலையிலேயே நான் டாஸ்க் விளையாடவில்லை என சொல்லி கோபப்பட்டு போய் விட்டார்.

Recommended Video

Bigg Boss Priyanka கணவரை பிரிந்துவிட்டார்? Bayilvan Ranganathan கிளப்பிய சர்ச்சை | Priyanka Praveen

அட அபினய்யா இது

பிக்பாஸ் சீசன் 5ல் அமைதியாக இருந்த அபினய், பிக்பாஸ் அல்டிமேட்டில் கலக்கி வருகிறார். இவர் போலீசாக இருக்கும் தாடி பாலாஜியின் போலீஸ் உடையிலிருந்த பேட்ஜையே திருடி சென்று விட்டார். ஆனால் ஷாரிக், திருட்டு போலீசாக மாறி, திருடர்கள் டீமுடன் கூட்டு சேர்ந்து விளையாட துவங்கினார். இந்த டாஸ்க் பிக்பாஸ் அல்டிமேட்டையே கலகலப்பாக்கி உள்ளது.