Bigg Boss Ultimate Finale...போட்டியாளர்களை செமயாக கலாய்த்த சிம்பு

சிம்புவின் மாஸ் என்ட்ரி

இதன் ஃபினாலே நிகழ்ச்சி இன்று நடைபெற்றது. இதில் ஆரம்பத்திலேயே சிம்பு, குழந்தை நட்சத்திரமாக அறிமுகமாகி ஹீரோவாக வளர்ந்ததை காட்டும் விதமாக டான்ஸ் பெர்ஃபாமன்ஸ் நடைபெற்றது. சிம்பு ஒயிட் அண்ட் ஒயிட் கோட்டில் மாஸ் என்ட்ரி, முந்தைய போட்டியாளர்களின் ராப் வாக் என்ட்ரி அனைவரையும் கவர்ந்தது. போட்டியாளர்கள் அனைவரையும் சிம்பு கலகலவென கலாய்த்து தள்ளினார்.

பழைய வில்லன் மாதிரி இருக்கு

சுரேஷ் சக்கரவர்த்தியிடம், நீங்கள் போட்டுள்ள கோட்டை பார்த்தால் பழைய சினிமாக்களில் வரும் வில்லன் மாதிரி இருக்கு. நீங்கள் கோட் போட்டு வருவீர்கள் என்று தெரிந்தால் நான் மாற்றி இருப்பேன். அபினய், ஷாரிக் ஆகியோர் சிம்பு வருவதற்கு முன்பே வெளியே போனதை நினைத்து வேதனை தெரிவித்தனர். அபிராமியிடம், வெளியே போன பிறகு தெளிவாக பேச ஆரம்பித்து விட்டீர்களே என்றார்.

ரயில்வே ஸ்டேஷன் வாங்குறீங்களா

சுருதி, பணத்தை எண்ணி முடித்து விட்டீர்களா என்றார் சிம்பு. ஆனால் பணம் இன்னும் கைக்கு வரவில்லை. வெறும் பெட்டி மட்டும் தான் கைக்கு வந்தது என்றார் சுருதி. சரி பணம் கைக்கு வந்தது என்ன செய்வீர்கள். எங்க ஏரியாவில் ரயில்வே ஸ்டேஷன் இருக்கு வாங்குறீங்களா. ஆனால் அப்படி வாங்கிய பிறகும் பொட்டியை தூக்கக் கூடாது என கிண்டல் செய்தார்.

ஃபீலிங்ஸ் இல்லையா

வீட்டிற்குள் இருக்கும் ஃபைனலிஸ்ட்களிடம் பேசிய சிம்பு, நீங்க எல்லாம் மனுஷங்களே இல்லை. டாஸ்க் என்றால் இப்படியா விளையாடுவீர்கள். ஒரு பொண்ணு காலை ஒடித்து விட்டீர்களே. ரம்யா, உங்க எக்ஸ் ரேவை சரி பார்த்தேன். நிஜமாக தான் உங்களுக்கு எலும்பு முறிந்துள்ளது என சிம்பு சொன்னதும் ஷாக் ஆகி விட்டார் ரம்யா. பிறகு வீட்டில் எதை மிஸ் செய்கிறீர்கள். படையப்பா படத்தில் சிவாஜி சார் தூணை கட்டிப்பிடித்து அழுவது போல் எந்த ஃபீலிங்சும் இல்லையா என்றார் சிம்பு.

ஃபினாலேவுக்கு வராதவர்கள்

ஃபினாலேவில் முந்தைய போட்டியாளர்களான வனிதா விஜயக்குமார், தாடி பாலாஜி, அனிதா சம்பத், சதீஷ் போன்றோர் கலந்து கொள்ளவில்லை. ஃபினாலேவிற்கு வராத சதீஷ் போன்றோரையும் கலாய்த்தார் சிம்பு. பிக்பாஸ் அல்டிமேட் நிகழ்ச்சியை தொடர்ந்து பார்த்த ரசிகர்கள் சிலரிடமும் பேசினார் சிம்பு.