"ரொம்ப ஓவராத்தான் போறீங்கய்யா..." ஜூலி நடிக்கும் படத்தின் டைட்டில் இதுவா?

தொகுப்பாளினி ஜூலி

பிக்பாஸ் நிகழ்ச்சியில் கலந்துகொண்ட மற்றவர்களுக்கு சினிமாவில் வாய்ப்புகள் கிடைத்துவந்த சூழலில், சினிமா பிரபலம் அல்லாத ஜூலியானா கலைஞர் டி.வி-யில் குழந்தைகள் ஆடும் ரியாலிட்டி ஷோ ஒன்றைத் தொகுத்து வழங்கி வருகிறார்.

விளம்பர படத்தில் ஜூலி

இந்நிலையில், ராமநாதபுரத்தைச் சேர்ந்த கடை ஒன்றின் விளம்பரப் படத்திலும், சில நாட்களுக்கு முன்பு அப்பள நிறுவனத்தின் விளம்பரம் ஒன்றிலும் நடித்தார். அப்பள கம்பெனி விளம்பரத்தில் குடும்பத் தலைவியாக நடித்திருக்கிறார் ஜூலி.

ஜூலி நடிக்கும் படம்

ஜூலி நடிக்கும் படத்தை K7 புரொடக்ஷன்ஸ் நிறுவனம் தயாரிக்கிறது. இவருக்கு ஜோடியாக 'தப்பாட்டம்', 'ஜூலியும் 4 பேரும்' போன்ற படங்களில் நடித்த பப்ளிக் ஸ்டார் துரை சுதாகர் நடிக்கிறார். இந்த படத்தில் ஜூலி அவரது சொந்தப் பெயரில் தான் நடிக்கிறாராம்.

சமூக அக்கறை கொண்ட பெண்ணாக ஜூலி

இந்தப் படத்தின் கதைப்படி ஜூலி, சமூக அக்கறை கொண்ட ஒரு பெண்ணாக நடிக்கிறாராம். அதனால், இந்தப் படத்தின் மூலம் மக்கள் மத்தியில் ஜூலிக்கு நல்ல வரவேற்பு கிடைக்கும் என்று கூறப்படுகிறது.

உத்தமி

ஜூலி நடிக்கும் இந்தப் படத்திற்கு தற்போது 'உத்தமி' என்ற பெயரை தேர்ந்தெடுத்துள்ளதாகத் செய்திகள் வெளியாகியுள்ளன. இதையறிந்த ரசிகர்கள் சமூக வலைதளங்களில் கிண்டலடித்து வருகின்றனர்.