உற்சாகத்தில் கவின் ஆர்மி.. அடுத்தடுத்த அப்டேட்.. இப்போ மிரட்டலாக வந்துள்ள லிப்ட் ஃபர்ஸ்ட் லுக்!

லிப்ட் ஃபர்ஸ்ட் லுக்

விளம்பர படங்களை இயக்கி வந்த வினித், இயக்குநராக கோலிவுட்டில் அறிமுகமாகியுள்ள படம் லிப்ட். கவின் மற்றும் அம்ரிதா அய்யர் நடிப்பில், ஹாரர் த்ரில்லர் படமாக உருவாகி உள்ள லிப்ட் படத்தின் ஃபர்ஸ்ட் லுக் தற்போது வெளியாகி மிரட்டி வருகிறது. கவின் மற்றும் அம்ரிதா அய்யர், லிப்டுக்குள் அமர்ந்திருக்க, அந்த இடம் முழுவதும் ரத்தம் தெறித்து காணப்படுகிறது.

பிகில் தென்றல்

விஜய் ஆண்டனியின் காளி, விஜய் யேசுதாஸின் படைவீரன் உள்ளிட்ட படங்களில் நடித்து வந்த அம்ரிதா அய்யர், கடந்த ஆண்டு அட்லி இயக்கத்தில் விஜய், நயன்தாரா நடிப்பில் வெளியான பிகில் திரைப்படத்தில், கால்பந்தாட்ட அணியின் கேப்டன் தென்றலாக நடித்து அசத்தியிருந்தார். அம்ரிதா என்ற பெயரை விடுத்து பலரும் தற்போது தென்றல் என்றே அவரை அழைத்து வருகின்றனர்.

புது காம்போ

பிக்பாஸ் வீட்டில் லாஸ்லியாவை உருகி உருகி காதலித்து வந்த கவின், பிக்பாஸ் நிகழ்ச்சிக்கு பிறகு ரிலீசாகவுள்ள படமான லிஃப்ட் படத்தில், அம்ரிதா அய்யருடன் எந்த அளவுக்கு கெமிஸ்ட்ரி வொர்க்கவுட் ஆகி இருக்கிறது. இந்த புது காம்போ சில்வர் ஸ்க்ரீனில் எப்படி நடித்துள்ளனர் என்பதை பார்க்க ரசிகர்கள் வெயிட்டிங்.

வேற லெவல் டிரெண்டிங்

சரவணன் மீனாட்சி சீரியல், பிக்பாஸ் என தமிழ் சினிமா ரசிகர்களை, ரொம்ப பக்கமாக நெருங்கி அவர்களின் அன்பை கவர்ந்தவர் கவின். பிக்பாஸ் நிகழ்ச்சிக்கு பிறகு கவினுக்கு, ஏகப்பட்ட ரசிகர்கள் ஆர்மியை போல உருவாகினர். கவின் குறித்த எந்தவொரு செய்தி வந்தாலும், அதனை டிரெண்ட் செய்து வரும் ரசிகர்கள், லிஃப்ட் படத்தின் ஃபர்ஸ்ட் லுக்கை வேற லெவலில் டிரெண்ட் செய்து வருகின்றனர்.