சிவனேனு இருக்கும் சிம்புவை வம்புக்கு இழுக்கும் பிக்பாஸ்!

பிக்பாஸ் வீட்டில் ரஜினி, சிம்பு :

இந்த நிலையில் இன்று புதிதாக வந்த பிக்பாஸ் ப்ரொமோவில் ஆரவ் ரஜினியாகவும், பிந்து மாதவி நயன்தாராவாகவும், ஹரீஷ் சிம்புவாகவும் நடிக்கின்றனர்.

ரஜினியாக நடிக்கும் ஆரவ் :

ரஜினிகாந்த்தின் மேனரிசங்களைப் போலவே ஆரவ் செய்துகாட்டி வருகிறார். ரஜினியைப் போல வேகமாக நடந்து வந்து அவரைப் போலவே பேசுகிறார். நயந்தாராவாக நடிக்கும் பிந்து மாதவியிடம் 'நாம கடைசியா சந்திரமுகி பண்ணோம்ல... அதுக்கப்புறம் சேர்ந்து படம் பண்ணலையா?' எனக் கேட்கிறார்.

தொட்டுப் பேசாதப்பா :

சிம்புவாக நடிக்கும் ஹரீஷ் பிந்து மாதவி தோளில் கைபோட, 'தொட்டுப் பேசாதப்பா... ரொம்பத் தப்பு' எனச் சொல்கிறார் ரஜினியாக நடிக்கும் ஆரவ். சிம்புவைப் போலவே பேசும் ஹரீஷ் பிக்பாஸ் வீட்டில் நயன்தாராவிடம் பேசிவிட்டு ஹன்சிகாவைத் தேடுகிறார்.

சிம்பு பாவம் :

இதனை பார்த்த சிம்பு ரசிகர்கள், 'சிவனேனு இருக்குறவரை ஏம்ப்பா கலாய்க்குறீங்க' எனக் கேட்டுவருகிறார்கள். நிஜமாகவே அவர் இந்த வீட்டிக்குள் சிறப்பு விருந்தினராக வந்தால் நன்றாக இருக்குமே என்றும் சிலர் தங்களது விருப்பத்தைத் தெரிவித்து வருகின்றனர்.