பஜன்லால் சேட்டுன்னு முதல்ல சொன்னதே விஜய் தான்.. ப்ளூ சட்டை மாறன் ஷேர் பண்ண வீடியோ.. எதுக்கு?

பஜன்லால் சேட்டு விமர்சனம்

இயக்குநர் ஹெச். வினோத் இயக்கத்தில் இந்த ஆண்டு வெளியான வலிமை படத்தை விமர்சனம் செய்த ப்ளூ சட்டை மாறன் நடிகர் அஜித்தின் தோற்றத்தை வைத்து பஜன்லால் சேட் என கடுமையாக விமர்சித்தது அஜித் ரசிகர்களை கொந்தளிக்க செய்தது. ப்ளூ சட்டை மாறனின் விமர்சன வீடியோவுக்கு கீழ் ஏகப்பட்ட அஜித் ரசிகர்கள் அவரை திட்டித் தீர்த்தனர்.

டிரெண்டிங்கில் துணிவு

இந்த வாரம் துணிவு படத்தின் புதிய போஸ்டர்களும், நடிகர் அஜித் துணிவு படத்தில் என்ன மாதிரியான கதாபாத்திரத்தில் நடித்துள்ளார் என இயக்குநர் ஹெச். வினோத் தனியார் செய்தி நிறுவனத்துக்கு அளித்த பிரத்யேக பேட்டிகளும் டிரெண்டாகி வரும் நிலையில், மீண்டும் அந்த பஜன் லால் சேட் பஞ்சாயத்தை ஆரம்பித்து இருக்கிறார் ப்ளூ சட்டை மாறன்.

விஜய் தான் சொன்னார்

சமீபத்தில் நடைபெற்ற சினிமா விழாவில் பேசிய நடிகர் லொள்ளு சபா மனோகர் வேலாயுதம் படத்தில் என்னுடைய கேரக்டர் பெயர் தான் பஜன்லால் சேட்டு. நடிகர் விஜய் அடிக்கடி என்னை பார்க்கும் போதெல்லாம், நீங்க எங்க ஊரு பஜன் லால் சேட்டு மாதிரியே இருக்கீங்க என சொல்வார் என பேசி உள்ளார்.

ப்ளூ சட்டை மாறன் கலாய்

அந்த வீடியோவை தனது ட்விட்டர் பக்கத்தில் எடுத்துப் போட்டு ப்ளூ சட்டை மாறன் மீண்டும் அஜித் ரசிகர்களை சீண்டி உள்ளார். ப்ளூ சட்டை மாறனின் ட்வீட்டுக்கு கீழ் ஏகப்பட்ட அஜித் ரசிகர்கள் வழக்கம் போல அவரை கண்டபடி திட்டி வருகின்றனர். மேலும், விஜய் மற்றும் அஜித் ரசிகர்கள் இடையே மீண்டும் ட்விட்டர் சண்டை வெடித்துள்ளது.

போட்டா போட்டி அப்டேட்

துணிவு படம் குறித்த அப்டேட்களும், வாரிசு செகண்ட் சிங்கிள் ரிலீஸ் குறித்த அப்டேட்களும் போட்டா போட்டி போட்டு அடுத்தடுத்து வெளியாகி விஜய், அஜித் ரசிகர்களை கொண்டாட்டத்தில் ஆழ்த்தி உள்ளது. விஜய் பட அப்டேட் வரும் போது அஜித் ரசிகர்கள் நெகட்டிவ் ட்ரோல்களையும், அஜித் பட அப்டேட் வரும் போது விஜய் ரசிகர்களும் நெகட்டிவ் ட்ரோல்களையும் மீம்களையும் போட்டுத் தாக்கிக் கொள்கின்றனர்.

பொங்கலுக்கு இருக்கு

இப்பவே சோஷியல் மீடியாவில் இரு தரப்பும் இப்படி அடிச்சிக்கிறாங்களே பொங்கலுக்கு தியேட்டரில் இரண்டு படங்களும் நேரடியாக மோத உள்ள நிலையில், தியேட்டர்களின் நிலை என்ன ஆகும் என்றும் கேள்விகள் கிளம்பி உள்ளன. பட ரிலீசுக்கு முன்பாக இரு நடிகர்களும் தங்கள் ரசிகர்களை கொஞ்சமாவது கன்ட்ரோல் செய்ய வேண்டும் என்றும் கோரிக்கைகள் எழுந்துள்ளன.