சூப்பர்ஸ்டார் விஜய்.. இந்தியாவிலேயே சிறந்த டான்சர்.. சீமான் பேச்சு.. ப்ளூசட்டை மாறன் ட்ரோல்!

சரத்குமார் பல்டி

நடிகர் விஜய்யை வாரிசு படத்தின் இசை வெளியீட்டு விழாவில் சூப்பர்ஸ்டார் என பேசியது தொடர்பாக எழுந்த சர்ச்சை காரணமாக சரத்குமாரிடம் சமீபத்தில் யூடியூப் சேனல் ஒன்று எடுத்த பேட்டியில், அத்தனை பெரிய கூட்டத்தை கூட்டும் அனைவருமே சூப்பர் ஸ்டார் தான் என அந்தர் பல்டி அடித்து விட்டார். விஜய் மட்டும் இல்லைங்க நம்ம அஜித்தும் சூப்பர் ஸ்டார் தான் என பேசி உள்ளார்.

சூப்பர் ஸ்டார் விஜய்

இந்நிலையில், சமீபத்தில் பேசிய நாம் தமிழர் கட்சியின் ஒருங்கிணைப்பாளரும் தமிழ் சினிமா இயக்குநருமான சீமான் நடிகர் விஜய்யை சூப்பர் ஸ்டார் என்றும் பாராட்டி பேசியுள்ளது மீண்டும் பரபரப்பை ஏற்படுத்தி உள்ளது. தம்பி விஜய் தனது உழைப்பால் சூப்பர் ஸ்டாராக உயர்ந்துள்ளார் என பாராட்டி பேசி உள்ளார் சீமான்.

இந்தியாவிலேயே சிறந்த டான்ஸர்

நானும் எங்கப்பாவும் விஜய் வீட்டை கடந்த படி வாக்கிங் சென்றோம். அப்போது என் அப்பா சொன்னார். இந்த பையன் என்னம்மா டான்ஸ் ஆடுறான்ப்பா.. என்றார். இந்தியாவிலேயே விஜய் போல எந்த நடிகரும் நடனமாடுவதில்லை. அந்த அளவுக்கு முகபாவணைகள் அனைவரும் ரசிக்கும் படி கொடுத்து நடனமாடி வருகிறார் என பாராட்டினார்.

அப்போ பிரபு தேவா

"விஜய் போன்று நடனமாட இந்தியாவிலேயே எந்த நடிகரும் கிடையாது - சீமான்." என ட்வீட் போட்ட ப்ளூ சட்டை மாறன் பிரபுதேவா ரியாக்‌ஷன் கொடுக்கும் போட்டோவை போட்டு ட்ரோல் செய்துள்ளார். தினமும் காலையில் ஆனதுமே விஜய் ரசிகர்களை வம்பிழுப்பதே இவருக்கு வேலையாக போய் விட்டது என விஜய் ரசிகர்கள் ப்ளூ சட்டை மாறனை வழக்கம் போல திட்டி வருகின்றனர்.

இவங்க டான்ஸ் பார்க்கலையா

பிரபுதேவா, லாரன்ஸ், ஹ்ரித்திக் ரோஷன், அல்லு அர்ஜுன் டான்ஸ் எல்லாம் பார்க்கலையா சீமான் என நெட்டிசன்கள் நடிகர் விஜய்யை இந்தியாவிலேயே சிறந்த டான்ஸர் என பாராட்டிய சீமானின் பேச்சுக்கு எதிராக பதில் கமெண்ட்டுகளை போட்டு ட்ரோல் செய்து வருகின்றனர்.