இன்று முதல்.... போகன், எனக்கு வாய்த்த அடிமைகள், சாயா!

போகன்

ஜெயம் ரவி, அர்விந்தசாமி, ஹன்சிகா நடித்துள்ள போகன் படத்தை, லக்ஷ்மன் இயக்கியுள்ளார். டி இமான் இசையமைத்துள்ளார். ரோமியோ ஜூலியட், தனி ஒருவன் கூட்டணி என்பதால் ரசிகர்களிடம் ஒரு ஆர்வம் பிறந்துள்ளது. தனி ஒருவனுக்குப் பிறகு அதிக அரங்குகளில் வெளியாகும் ஜெயம் ரவி படம் இது.

எனக்கு வாய்த்த அடிமைகள்

ஜெய், ப்ரணிதா, கருணாகரன் உள்ளிட்டோர் நடித்துள்ள இந்தப் படத்தை மகேந்திரன் ராஜமணி இயக்கியுள்ளார். ஷான் சுதர்சன் தயாரித்துள்ளார். சந்தோஷ் தயாநிதி இசையமைத்துள்ளார்.

சாயா

விஎஸ் பழனிவேலு தயாரித்து இயக்கியுள்ள படம் சாயா. கல்வி வியாபாரத்தை அம்பலப்படுத்தும் இன்னொரு படம். சோனியா அகர்வால், காயத்ரி, சந்தோஷ் கண்ணா ஆகியோர் நடித்துள்ள இந்தப் படத்துக்கு ஜான் பீட்டர் இசையமைத்துள்ளார்.

குங்ஃபூ யோகா

ஜாக்கி சானின் புதிய படம் இந்த குங்ஃபூ யோகா. ஒரு நேரடி தமிழ்ப் படத்துக்கு நிகராக, தமிழிலேயே நாளை வெளியாகவிருக்கிறது.