கடவுளுக்கு நல்ல மனிதர்கள் தேவை போல.. விவேக் மரணம்.. பிரபல பாலிவுட் நடிகர் உருக்கம்!

அனுபம் கெர் இரங்கல்

இதுவரை இரண்டு தேசிய விருதுகள், 8 பிலிம் ஃபேர் விருதுகளை குவித்துள்ள அனுபம் கெருக்கு பத்மஸ்ரீ மற்றும் பத்ம பூஷன் விருதுகளை வழங்கி மத்திய அரசு கவுரவித்துள்ளது. தொடர்ந்து படங்களில் பிஸியாக நடித்து வரும் அனுபம் கெர், நடிகர் விவேக்கின் மறைவுக்கு இரங்கல் தெரிவித்துள்ளார்.

பல ஆண்டுகள் உணரப்படும்

இதுதொடர்பாக அவர் பதிவிட்டுள்ள டிவிட்டில் அன்புள்ள விவேக் !! நீங்கள் ஒரு சிறந்த நடிகர் மற்றும் பொழுதுபோக்கு கலைஞராக மட்டுமல்லாமல், திரையில் உங்கள் இருப்பு மிகவும் அமைதியானது. கடவுளுக்கு அங்கே நல்ல மனிதர்கள் தேவை என்று எனக்குத் தெரியும். ஆனால் நீங்கள் எங்களுக்கு இன்னும் தேவை. நீங்கள் இல்லாதது பல ஆண்டுகள் உணரப்படும். ஓம் சாந்தி !! என பதிவிட்டுள்ளார்.

திடீர் மாரடைப்பு

சின்னக் கலைவாணர் என்றழைக்கப்படும் நடிகர் விவேக் கடந்த சனிக்கிழமை காலை மரணமடைந்தார். வெள்ளிக் கிழமை திடீர் மாரடைப்பால் பாதிக்கப்பட்ட நடிகர் விவேக் சென்னை வடபழனியில் உள்ள தனியார் மருத்துவமனையில் அனுமதிக்கப்பட்டார்.

பிரபலங்கள் இரங்கல்

அங்கு அவருக்கு தீவிர சிகிச்சை அளிக்கப்பட்ட நிலையில நடிகர் விவேக் சிகிச்சை பலனின்றி சனிக்கிழமை அதிகாலை காலமானார். அவரது மறைவுக்கு திரைத்துறை பிரபலங்கள் பலரும் இரங்கல் தெரிவித்து வருகின்றனர்.