மிரட்டலாக வந்த வலிமை டிரைலர்... இந்தி, தெலுங்கு, கன்னடத்தில் ஒரே சமயத்தில் ரிலீஸ்

உலகம் முழுவதும் வலிமை

இதன் காரணமாக உலகின் பல நாடுகளிலும் வலிமை படம் தணிக்கை செய்யப்பட்டுள்ளது. ஜப்பான், மலேசியா, ஃபின்லாந்து, ஜெர்மனி உள்ளிட்ட நாடுகளிலும் வலிமை படம் பிப்ரவரி 25 ம் தேதி ரிலீஸ் ஆவது உறுதியாகி உள்ளது. இந்தியாவில் கூட வலிமை டிக்கெட் ஒப்பனிங் துவங்கப்படாத நிலையில் ஜப்பானில் ஏற்கனவே டிக்கெட் புக்கிங் துவங்கி விட்டது.

டிரெண்டிங்கில் வலிமை

இந்நிலையில் வலிமை ரிலீசை முன்னிட்டு கடந்த மூன்று நாட்களாக ட்விட்டரில் #Valimai, #AjithKumar ஆகிய ஹேஷ்டேக்குகள் டிரெண்டிங்கில் டாப்பில் இருந்து வருகின்றன. படத்தின் அடுத்த அப்டேட்டை எப்போது வெளியிட போகிறார்கள் என ரசிகர்கள் ஆர்வமாக காத்திருக்கிறார்கள். இந்நிலையில் வலிமை டிரைலர் இன்று மாலை 6.30 மணிக்கு வெளியிடப்படும் என போனி கபூர் அறிவிப்பு வெளியிட்டிருந்தார்.

மிரட்டிய வலிமை டிரைலர்

அதே போல்அஜித் நடித்துள்ள வலிமை படத்தின் டிரைலர் ஒரே சமயத்தில் மூன்று மொழிகளில் வெளியிடப்பட்டு உள்ளது. தெலுங்கு டிரைலரை மகேஷ்பாபுவும், கன்னட டிரைலரை கிச்சா சுதீப்பும், இந்தி டிரைலரை அஜய் தேவ்கனும் வெளியிட உள்ளதாக அறிவித்திருந்தார். அதே சமயம் தமிழில் மட்டும் டிரைலர் வெளியிடப்படாததால் அஜித் ரசிகர்கள் ஏமாற்றம் அடைந்தனர்.

அப்போ தமிழில் இல்லையா

இதனால் ரசிகர்கள் டென்ஷனாகி உள்ளனர். மற்ற மொழிகளில் வெளியிடும் போது ஏன் தமிழில் மட்டும் வெளியிடவில்லை. அதை எப்போது வெளியிடுவார்கள். ஏன் போனி கபூர் அது பற்றி எந்த அறிவிப்பையும் வெளியிடவில்லை என கேட்டு வருகிறார்கள்.