முகப்பு

செய்திகள்

தேவதையைக் கண்டேன், திருவிளையாடல் ஆரம்பம், மலைக்கோட்டை, பட்டத்து யானை என வெற்றிப் படங்களைத் தந்த இயக்குநர் பூபதி பாண்டியன் அடுத்து விமலுடன் கை கோர்க்கிறார்.

காமெடி ஆக்ஷன் படங்களில் தனி பாணியில் தருபவர் பூபதி பாண்டியன். பட்டத்து யானை படத்துக்குப் பிறகு தான் உருவாக்கிய ஒரு கதையை இவர் விமலுக்குச் சொல்ல, அவரும் நடிக்க சம்மதித்துள்ளாராம்.

இப்போது நடித்து வரும் அஞ்சல படம் முடிந்ததும் விமல் இந்தப் புதிய படத்தில் நடிக்கவிருக்கிறார்.

பூபதி பாண்டியனின் முந்தைய படங்களைப் போலவே, இந்தப் படமும் காதல் மற்றும் காமெடிக்கு அதிக முக்கியத்துவம் கொண்டதாக இருக்கும் என்கிறது படக்குழு.

நாயகி மற்றும் இதர கலைஞர்கள் பற்றிய விவரம் விரைவில் வெளியிடவிருக்கிறார்கள்.