Don't Miss!
- Finance வெயிலுக்கு ஏத்த பிஸ்னஸ்.. சும்மா சொல்லக்கூடாது முகேஷ் அம்பானி வேற லெவல்..! .
- News "உயர் ஜாதியினரிடம்" 41% ஆனால்.. முஸ்லிம்களிடம் 8% சொத்துக்கள்தான் உள்ளன: டேட்டா சொல்லும் உண்மை
- Technology அள்ளி தரும் BSNL.. வெறும் ரூ.299 போதும்.. தினமும் 3GB டேட்டா.. வாய்ஸ் கால்கள்.. எத்தனை நாள் வேலிடிட்டி?
- Lifestyle ஹிட்லரின் நாஜி முகாமில் நடத்தப்பட்ட திகிலூட்டும் சோதனைகள் என்னென்ன தெரியுமா? முக்கியமா இரட்டை குழந்தைகள் மீது!
- Automobiles சாதாரணமா பஸ்ஸில் பயணம் செய்தது இவ்ளோ பெரிய ஆளா... முகத்தை நல்லா உத்து பார்த்ததும் ஷாக் ஆன மக்கள்...
- Sports IPL 2024: வெட்கத்தை விட்டு சொல்றேன்.. சிஎஸ்கே அணியால் இதை கூட செய்ய முடியலை.. புலம்பிய பிளெம்மிங்
- Education இலவச கட்டணத்துடன் தனியார் சுயநிதி பள்ளிகளில் சேர வேண்டுமா...ஆன்-லைனில் அப்ளை பண்ணுங்க....!!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
நல்ல வரவேற்பில் மிருதன்- சேதுபதி.. பின்தங்கியது மாகாபாவின் நவரச திலகம்!
சென்னை: கடந்த வெள்ளிக்கிழமை வெளியான மிருதன், சேதுபதி 2 படங்களும் பாக்ஸ் ஆபீஸில் நல்ல வரவேற்பைப் பெற்றிருப்பதாக தியேட்டர் வட்டாரங்கள் தெரிவிக்கின்றன.
ஜெயம் ரவியின் மிருதன், விஜய் சேதுபதியின் சேதுபதி மற்றும் மாகாபா ஆனந்தின் நவரச திலகம் ஆகிய 3 படங்கள் கடந்த வெள்ளிக்கிழமை வெளியாகியது.
இதில் நவரச திலகம் பெரிதாக எடுபடாத நிலையில் மிருதன் மற்றும் சேதுபதி படங்கள் பாக்ஸ் ஆபீஸில் நல்ல வரவேற்பைப் பெற்றிருக்கின்றன.
மிருதன்
ஜெயம் ரவி, லட்சுமி மேனன் நடிப்பில் வெளியான மிருதன் படம் ரசிகர்கள் மத்தியில் நல்ல வரவேற்பைப் பெற்றிருக்கிறது. இதன் மூலம் ரோமியோ ஜூலியட், தனி ஒருவன், பூலோகம் படங்களைத் தொடர்ந்து 4 வது வெற்றியை ஜெயம் ரவி அறுவடை செய்திருக்கிறார்.
முதல் ஸோம்பி
தமிழின் முதல் ஸோம்பி படம் என்ற பெருமையுடன் வெளியாகி இருக்கும் மிருதன் தற்போதைய நிலவரப்படி ஹவுஸ்புல் காட்சிகளுடன் ஓடிக் கொண்டிருக்கிறது. படத்தில் சின்னச்சின்ன குறைகள் இருந்தாலும் கூட படத்தை ஒற்றை ஆளாகத் தோளில் சுமந்து அதில் வெற்றியும் கண்டிருக்கிறார் ஜெயம் ரவி. பாக்ஸ் ஆபிஸ் நிலவரம் பற்றிய அதிகாரப்பூர்வ தகவல்கள் இன்னும் வெளியாகவில்லை எனினும் 2 நாட்களில் 10 கோடிகள் வரை மிருதன் கடந்திருப்பதாக கூறுகின்றனர்.
சேதுபதி
விஜய் சேதுபதி ஆக்ஷன் அவதாரம் காட்டிய சேதுபதி படமும் பாக்ஸ் ஆபீஸில் நல்ல வரவேற்பைப் பெற்றிருக்கிறது. மிருதனிற்கு அடுத்த இடத்தைப் பிடித்திருக்கும் சேதுபதி 2 நாட்களில் 5 கோடிகள் வரை கடந்திருக்கலாம் என்று எதிர்பார்க்கப்படுகிறது.
நானும் ரவுடிதான்
நானும் ரவுடிதான் படத்தைப் போல ஆரவார வெற்றி இல்லையென்றாலும் ஹிட் வரிசையில் சேதுபதி இணைந்திருக்கிறது. குடும்பத்துடன் பார்க்கும் வகையிலான படமென்பதால் வரும் நாட்களில் இப்படத்தின் வசூல் இன்னும் அதிகரிக்கும் என்று தியேட்டர் வட்டாரங்கள் கூறுகின்றன.
நவரச திலகம்
மகாபாவின் ஹீரோ ஆசையை நவரச திலகம் நிறைவேற்றி இருக்கிறதே தவிர பாக்ஸ் ஆபீஸில் படம் சுத்தமாக எடுபடவில்லையாம். மொத்தத்தில் மிருதன், சேதுபதி படங்களுக்கிடையில் நவரச திலகம் எடுபடவில்லை என்பதே உண்மை.