உண்மையிலேயே ரூ 100 கோடி வசூலை எட்டியதா தெறி?

பிரச்சினை தீரவில்லை

இன்று வரை செங்கல்பட்டு ஏரியாவில் 11 மால்களைத் தவிர, வேறு எங்கும் படம் வெளியாகாததால் அந்த அரங்குகளுக்கு தயாரிப்பாளர் சங்கம் ஒத்துழைப்பு தருவதில்லை என அறிவித்துள்ளது.

வரவேற்பு

அதே நேரம் ஆந்திரா, கேரளா, கர்நாடகா போன்ற பகுதிகளிலும் தெறி நல்ல வரவேற்பைப் பெற்றது. வெளிநாடுகளிலும் இப்படம் திருப்தியான வசூலை ஈட்டி வருகிறது.

6 நாட்களில் ரூ 45 கோடி

ஆறுநாட்கள் முடிவில் தெறி அனைத்து ஏரியாவிலும் ரூ 45.8 கோடியை வசூலித்திருப்பதாக பாக்ஸ் ஆபீஸில் அறிவித்திருந்தனர்.

சென்னை நகரில் முதல் நாளில் ஒரு கோடியும், ஆறு நாட்களில் 4 கோடியும் இந்தப் படம் வசூலித்தது. இதுவே பெரிய விஷயம்தான்.

ஜிவி பிரகாஷ் - அட்லி

ஆனால் எப்போதும் ட்விட்டரே கதி என்று கிடக்கும் இசையமைப்பாளர் ஜி வி பிரகாஷ்
7 நாட்கள் முடிவில் இப்படம் 100 கோடிகளை வசூல் செய்துள்ளதாக ட்விட் போட்டுள்ளார். இயக்குநர் அட்லியும் இதே போன்ற ட்விட்டை வெளியிட்டுள்ளார்.

அதிர்ச்சி

இந்தத் தகவலை மற்ற ஊடகங்களும் எடுத்துப் பகிர ஆரம்பிக்க, தெறி படம் ரூ 100 கோடியைக் குவித்துவிட்டதாக செய்திகள் வெளியாகி வருகின்றன.

'தெறி படத்தின் வசூலை அதிகாரப்பூர்வமாக அறிவிக்க வேண்டிய தாணு, பல்வேறு பிரச்சினைகளை எதிர்கொண்டு, சிக்கல்களிலிருந்து சுமுகமாக வெளியில் வர முயற்சித்துக் கொண்டிருக்கும் வேளையில், இதுபோன்ற செய்திகள் அவரை மேலும் சிக்கலுக்குள்ளாக்கும். இயக்குநர் அட்லிக்கும், விளம்பரப் பிரியர் ஜிவிக்கும் இது தெரிய வேண்டாமா?' என்று தாணுவுக்கு நெருக்கமானவர்கள் பல்லை நற நறக்கிறார்கள்!