உங்கள் பயண செலவு எங்கள் தின உணவு ...விஜய் சேதுபதி வெளியிட்ட 'கால் டாக்ஸி' பட டீசர்!

சமுத்திரக்கனி

இப்படத்தின் படப்பிடிப்புகள் முடிந்து தற்போது ரிலீசுக்கு தயாராகி வருகிறது. இந்நிலையில், இந்த படத்தின் டீசரை மக்கள் செல்வன் விஜய்சேதுபதி வெளியிட்டிருக்கிறார். மேலும் சமூக வலைத்தளங்களில் விஜய் சேதுபதி, சமுத்திரக்கனி மற்றும் ஸ்ரீகாந்த் ஆகியோரும் வெளியிட்டிருக்கிறார்கள்.

அரசாங்கம் எடுத்து

கால் டாக்ஸி டிரைவரின் வாழ்க்கை , வாழ்க்கை லட்சியங்கள் சந்திக்கும் பிரச்சனைகள் போன்ற பல விஷங்களை திரைக்கதையில் அமைத்து இந்த படம் சமூக அக்கறையுடன் வருகிறது என்பது கூடுதல் தகவல். கார்ப்பரேட் நிறுவனங்கள் நடத்தும் கால் டாக்ஸியை ஏன் அரசாங்கம் எடுத்து நடத்தி மக்களுக்கு சேவை செய்ய கூடாது என்ற கேள்வியும் இந்த படத்தில் இருக்கும் என்று பலராலும் சொல்லபடுகிறது.

சந்திக்கும் மனிதர்கள்

கிராமத்தில் இருந்து கிளம்பி வந்து பட்டணத்தில் வேலை செய்யும் பல இளைஞர்கள் சரியான வேலை கிடைக்காமல் கடைசியில் அல்லோலப்பட்டு கடன் வாங்கி , கார் வாங்கி கால் டாக்ஸி ஓட்டுகிறார்கள். இன்னும் சிலர் பைக் ஓட்டி பல கஸ்டமர்களை பிக்கப் டிராப் செய்கிறார்கள். அவர்கள் சந்திக்கும் மனிதர்கள் சிந்திக்கும் அன்றாட விஷங்களை பின்னணியாக வைத்து ஒரு அற்புதமான திரைக்கதை அமைத்து இந்த படத்தை வெளி கொண்டு வர இருக்கிறார்கள்

பயண செலவு

நல்ல படைப்புக்களை தமிழ் சினிமா ஒரு போதும் கை விடுவதில்லை . அந்த வகையில் இந்த படமும் பல பேரை சென்று அடையும் என்று பட குழுவினர் தீர்க்கமாக நம்புகின்றனர் . உங்கள் பயண செலவு எங்கள் தினசரி செலவு என்று ஓட்டுனர்களின் வழியை பேசும் படமாக மட்டும் இல்லாமல் கால் டாக்ஸி ஓட்டும் ஒரு சிலர் பல தவறான செயல்கள் செய்து அந்த தொழில் மீது இருக்கும் மதிப்பை கெடுத்து விடுகிறார்கள். அப்படி பட்ட நிகழ்வுகளை காட்சிகளாக மாற்றி இயக்குனர் மிகவும் மெனக்கெட்டு இருக்கிறார் . பெரும் நகரங்களில் கால் டாக்ஸி என்ற ஒன்று இப்பொழுதெல்லாம் மிகவும் அத்தியாவசியம் ஆன ஒன்றாக மாறி விட்டது . ஆட்டோ மற்றும் கைரிக்ஷாக்கள் காலம் கடந்தும் பல இடங்களில் ஓடி கொண்டு தான் இருக்கிறது. கால் டாக்ஸி என்ற இந்த படம் பக்குவமாக பல கதைகள் சொல்லும் என்பது தான் நிதர்சனமான உண்மை.