முகப்பு

செய்திகள்

தனுஷ் நடித்த அனேகன் படம் சென்சாரில் ஏகத்துக்கும் வெட்டுப்பட்டிருக்கிறது. காரணம் படத்தில் காட்சிகளும் வசனங்களும் அந்த அளவு ஆட்சேபணைக்குரியதாக இருந்ததாம்.

அவற்றில் ஒன்றுதான் தலைப்பில் நீங்கள் படித்தது.

கேவி ஆனந்த் இயக்கியுள்ள இந்தப் படம், அனைத்துப் பணிகளும் முடிந்து ரிலீசுக்குத் தயாராக உள்ளது. சமீபத்தில் படத்தை தணிக்கை குழுவுக்கு அனுப்பி வைத்தனர்.

படம் பார்த்த தணிக்கை குழுவினர் நிறைய காட்சிகள் மற்றும் வசனங்களுக்கு ஆட்சேபம் தெரிவித்தனர். ‘யு' சான்று தர முடியாது எனவும் மறுத்துவிட்டனர்.

‘யு' சான்றிதழ் கிடைக்காவிட்டால் வரி விலக்கு பெற முடியாது என்பதற்காக சர்ச்சைக்குரிய காட்சிகளை நீக்குவதற்கு படக்குழுவினர் ஒப்புக் கொண்டனர்.

இதையடுத்து 23 இடங்களில் காட்சிகள் மற்றும் வசனங்களுக்கு வெட்டு விழுந்தது. ஒரு பாடல் காட்சியில் இடம் பெற்ற சிகரெட் பிடிக்கும் காட்சிகள் முற்றிலும் நீக்கப்பட்டன.

ஒரு பாடலில் இடம் பெற்ற கவர்ச்சி காட்சிகள் முற்றிலும் நீக்கப்பட்டன. மேலும் சில பாடல்களில் இடம் பெற்ற ஆபாச காட்சிகளும் நீக்கப்பட்டது. முத்த காட்சியொன்றையும் நீக்கியுள்ளனர்.

'ரேப்தான் இந்தியாவோட நேஷனல் கேம் ஆயிடுச்சுடா' என்ற வசனமும் நீக்கப்பட்டது. தொடு வானம் என்ற பாடலில் இடம் பெற்ற முத்த காட்சி நீக்கப்பட்டது.

இத்தனை வெட்டுகளுக்குப் பிறகுதான் படத்துக்கு யு சான்று அளிக்கப்பட்டுள்ளது. சமீபத்தில் அதிக வெட்டுப்பட்ட படம் அனேகனாகத்தான் இருக்கும் என்கிறார்கள்.