ரிலீசுக்கு முன்னாடியே 200 கோடி பிசினஸா? மாஸ் காட்டும் நயன்தாரா படம்.. காரணம் யாரு தெரியுமா?

ஷாருக்கான், சல்மான் கானுடன் நயன்

எந்தவொரு தென்னிந்திய நடிகைக்கும் கிடைக்காத பெரிய ஜாக்பாட்டாக ஒரே சமயத்தில் பாலிவுட்டில் ஷாருக்கான் உடனும் டோலிவுட்டில் சல்மான் கானுடன்ம் இணைந்து நடித்து வருகிறார் நயன்தாரா. இயக்குநர் மோகன் ராஜா இயக்கத்தில் மெகா ஸ்டார் சிரஞ்சீவி நடித்து வரும் காட் ஃபாதர் படத்தின் ப்ரீ ரிலீஸ் பிசினஸ் விண்ணை பிளக்கின்றது.

லூசிஃபர் ரீமேக்

மலையாளத்தில் மோகன்லால், மஞ்சு வாரியர், பிருத்விராஜ் மற்றும் விவேக் ஓபராய் நடித்த லூசிஃபர் படத்தின் அதிகாரப்பூர்வ ரீமேக் தான் காட் ஃபாதர். லூசிஃபர் படத்தின் இரண்டாம் பாகம் எம்புரான் எனும் பெயரில் மோகன்லால் நடிப்பில் உருவாகி வரும் நிலையில், அதன் முதல் பாகம் சிரஞ்சீவி நடிப்பில் காட் ஃபாதர் என்கிற டைட்டிலில் விரைவில் வெளியாக உள்ளது.

தொடர் தோல்வி

பெரிய பொருட்செலவில் சிரஞ்சீவி நடித்த சைரா நரசிம்ம ரெட்டி மற்றும் ஆச்சார்யா உள்ளிட்ட படங்கள் எதிர்பார்த்த வெற்றியை பெறாமல் மண்ணைக் கவ்வின. இந்நிலையில், அடுத்ததாக சல்மான் கான் உடன் இணைந்து மலையாளத்தில் வெளியாகி சூப்பர் ஹிட் அடித்த லூசிஃபர் படத்தை இயக்குநர் மோகன் ராஜாவை வைத்து ரீமேக் செய்து நடித்து வருகிறார் சிரஞ்சீவி.

டிஜிட்டல் உரிமம்

எதிர்பார்த்ததை விட மிகவும் சூப்பராக படம் வந்துள்ளதாக தகவல்கள் வெளியாகி உள்ளன. இந்நிலையில், காட் ஃபாதர் படத்தை 57 கோடிக்கு Netflix ஓடிடி நிறுவனம் வாங்கி இருப்பதாக கூறப்படுகிறது. மேலும், சாட்டிலைட் உரிமம் உள்ளிட்ட அனைத்தும் மிகப்பெரிய தொகைக்கு விற்கப்பட்டுள்ளதாக கூறுகின்றனர்.

200 கோடி பிசினஸா

தியேட்டரில் வெளியிடும் உரிமம் 90 கோடிக்கும், இந்தி மற்றும் தெலுங்கு டிஜிட்டல் உரிமம் 57 கோடிக்கும், சாட்டிலைட் உரிமம் மற்றும் ஆடியோ உரிமம் இந்தி மற்றும் தெலுங்கில் சேர்த்து 60 கோடி என ஒட்டுமொத்தமாக 207 கோடி ரூபாய் வரை படம் ப்ரீ ரிலீஸ் பிசினஸ் செய்துள்ளதாக தகவல்கள் வெளியாகி உள்ளன. சல்மான் கானின் கேமியோ தான் படம் இத்தனை கோடிக்கு விற்பனையாக காரணம் என்கின்றனர்.