புலிக்கு பிறந்தது பூனையாகுமா.. தோர் நடிகரின் மகன் என்னம்மா சர்ஃபிங் பண்றாரு.. மனைவியும் தான்!

தோர் நடிகர்

மார்வெல் திரைப்படங்களில் தோர் கடவுளாக நடித்து உலகளவில் ரசிகர்களை கவர்ந்தவர் கிறிஸ் ஹெம்ஸ்வொர்த். அவெஞ்சர்ஸ் படத்திலும் தோர் சீரிஸ் படங்களிலும் தோர் ஆக சுத்தியலை தூக்கி சுற்றி எதிரிகளை பந்தாடி வருபவர் கிறிஸ் ஹெம்ஸ்வொர்த். இந்நிலையில், புத்தாண்டை தனது குடும்பத்துடன் கொண்டாடும் போட்டோக்களையும் வீடியோக்களையும் பதிவிட்டு உள்ளார்.

சர்ஃபிங் செய்யும் தோர்

ஹாலிவுட் ஹீரோக்கள் பலரும் ஸ்டண்ட் காட்சிகளுக்கே டூப் போடாமல் நடிப்பவர்கள். ரியல் லைஃப்பிலும் விமானம் ஓட்டுவது, சர்ஃபிங் செய்வது என ஏகப்பட்ட திறமைகளை உடையவர்கள். கடலில் அலையோடு விளையாடும் கிறிஸ் ஹெம்ஸ்வொர்த்தின் காட்சிகள் தீயாக பரவி வருகின்றன.

புலிக்கு பிறந்தது

புலிக்கு பிறந்தது பூனையாக மாறுமா என்கிற பழமொழிக்கு ஏற்ப கிறிஸ் ஹெம்ஸ்வொர்த் மகனும் அலை சறுக்கில் அட்டகாசமாக தனியாளாக கடலில் சர்ஃபிங் செய்யும் காட்சிகள் ரசிகர்களை வெகுவாக கவர்ந்துள்ளது. ஹாலிவுட் நடிகர்களான டுவைன் ஜான்சன் உள்ளிட்ட பலரும் மகனை பாராட்டி உள்ளனர்.

மனைவியும் மாஸ் காட்டுறாங்க

கிறிஸ் ஹெம்ஸ்வொர்த் மற்றும் அவரது மகன் மட்டுமின்றி கிறிஸ் ஹெம்ஸ்வொர்த்தின் மனைவி எல்ஸா படாகியும் பிகினி உடையில் தாறுமாறாக சர்ஃபிங் செய்யும் போட்டோக்களும் ரசிகர்களை உற்சாகத்தில் ஆழ்த்தி உள்ளது. குடும்பத்துடன் சுற்றுலா சென்ற போட்டோக்களை இன்ஸ்டாகிராமில் பதிவிட்டு லைக்குகளை அள்ளி உள்ளார் கிறிஸ் ஹெம்ஸ்வொர்த்.

செம சேட்டை

பீச்சில் மரம் அருகே பிகினி உடையில் கிறிஸ் ஹெம்ஸ்வொர்த்தின் மனைவி நின்றிருக்க மரத்தில் இருந்து எகிறி குதித்தபடி கிறிஸ் ஹெம்ஸ்வொர்த் செம சேட்டையாக எடுத்த போட்டோக்களையும் பதிவிட்டு ரசிகர்களை கவர்ந்துள்ளார். கடந்த ஆண்டு கிறிஸ் ஹெம்ஸ்வொர்த் நடிப்பில் வெளியான தோர் ரக்னோரக் திரைப்படம் வசூல் ரீதியாக வெற்றி பெற்றாலும் விமர்சன ரீதியாக பெரும் பின்னடவை சந்தித்தது. அடுத்த பாகத்துக்காக ரசிகர்கள் ஆர்வத்துடன் காத்திருக்கின்றனர்.