எதிர்பார்த்ததுதான்.. இப்பவாச்சும் சொன்னாரே.. வருத்தம்தான்..ரஜினி அறிவிப்பு.. பிரபலங்கள் ரியாக்ஷன்ஸ்

கட்சி தொடங்கப்போவதில்லை

மருத்துவர்கள் ஓய்வு எடுக்கும் படியும் கொரோனா தொற்று பரவும் சூழலை தடுத்துக்கொள்ளும்படியும் கூறியிருந்தனர். இந்நிலையில் உடல் நலத்தில் ஏற்பட்டுள்ள பாதிப்பு காரணமாக தான் அரசியல் கட்சி தொடங்கப்போவதில்லை என்று நடிகர் ரஜினிகாந்த் தெரிவித்துள்ளார்.

அரசியலுக்கு வராமல்

என்னை நம்பி என்னுடன் வருபவர்களை தான் பலிகடா ஆக்க விரும்பவில்லை என்றும் தெரிவித்துள்ளார் நடிகர் ரஜினிகாந்த். தேர்தல் அரசியலுக்கு வராமல் மக்களுக்கு என்ன சேவை செய்ய முடியுமோ அதை செய்ய விரும்புகிறேன் என்று கூறியுள்ளார்.

எதிர்பார்த்ததுதான்..

ரஜினிக்காந்தின் இந்த அறிவிப்பை தொடர்ந்து திரைத்துறை பிரபலங்கள் தங்களின் கருத்துக்களை பதிவிட்டு வருகின்றனர். இதுதொடர்பாக நடிகை கஸ்தூரி பதிவிட்டுள்ள டிவிட்டில், எதிர்பார்த்ததுதான்.. எத்தனையோ முறை நான் உட்பட பலரும் சொன்னதுதான். அப்பவே சொல்லியிருந்தால் ஏராளமானவர்களின் வலியை தவிர்த்திருக்கலாம். வருடங்களை மிச்சப்படுத்தியிருக்கலாம். இப்பவாச்சும் சொன்னாரே. இப்ப இல்லை, எப்பவுமே இல்லை.. என கூறியுள்ளார்.

வருத்தம்தான்

நடிகை கஸ்தூரி தனது மற்றொரு பதிவில் எதிர்பார்த்தோம்.. பிரிடிக்ட் பண்ணினோம்.. இருப்பினும் டிஸ்அப்பாயிண்டட்.. ரஜினிகாந்த் நீண்ட அழுத்தம் இல்லா வாழ்க்கையை வாழ வேண்டும் என்றும் பதிவிட்டுள்ளார்.

ஆண்டவன் துணை உண்டு

நடிகரும் இயக்குநருமான ஆர்கே சுரேஷ், ரஜினியின் அறிக்கையை தனது டிவிட்டர் பக்கத்தில் ஷேர் செய்துள்ளார். மேலும் நல்லவர்களுக்கு ஆண்டவன் துணை என்றும் உண்டு என்றும் பதிவிட்டுள்ளார்.

உடல் நலம்தான் முக்கியம்

நடிகையும் பிக்பாஸ் பிரபலமுமான சாக்ஷி அகர்வால், டேக் கேர் தலைவா.. மற்ற அனைத்தையும் விட உடல் நலம்தான் முக்கியம் என தனது டிவிட்டர் பக்கத்தில் ரஜினியின் அறிக்கையை பகிர்ந்து பதிவிட்டுள்ளார்.

அரசியலை விட அமைதி பெரியது

இயக்குநர் ரத்னகுமார் பதிவிட்டுள்ள டிவிட்டில், உங்கள் உடல் நலனில் அக்கறை செலுத்துங்கள் சார். அரசியலை விட அமைதி பெரியது.. மதிக்கிறோம் என தெரிவித்துள்ளார்.

கதம் கதம்..

அறம் உள்ளிட்ட படங்களில் நடித்துள்ள நடிகையும் கிரிக்கெட் வீராங்கனையுமான லக்ஷ்மி, கதம் கதம்.. டேக் கேர் தலைவா என பதிவிட்டுள்ளார்.